இதயத்தின் பார்வையில் எந்திரன் - விமர்சனம்

புலி வருது, புலி வருது கதையாக, கடந்த இரு வருடங்களுக்கு மேலாக பெரும் எதிர்பார்ப்பை ஏற்"படுத்திக்கொண்டிருந்த" எந்திரன் திரைப்படம் கடைசியாக ஒரு சுபயோக தினத்தில் உலகமெங்கும் (!!) வெளியாகி விட்டது. ஆனால், வெளிவந்தது புலியா அல்லது எலியா என்பதை உங்களுடைய முடிவிற்கே விட்டு விடுகிறேன். ஆனால் எந்திரன் திரைப்படத்தை பாராட்டியோ அல்லது கடுமையாக விமர்சித்தோ பதிவு போடாவிட்டால் பதிவுலகில் பதிவர் என்ற தகுதியை நான் இழக்க நேரிடும் என்ற நிலைக்கு அஞ்சி, பதிவர்கள் ஜோதியில் கலக்க ஆசைப்பட்டு நானும் ஒரு எந்திரன் பதிவை எழுதும் நிலைக்கு தள்ளப்பட்டேன் என்பதை ஆழ்ந்த வருத்தத்துடன் தெரிவித்துக்கொள்கிறேன்..!! (ஸ்ஸ்ஸ்ஸப்பாஆஆஆஆஅ....இப்பவே கண்ணக்கட்டுது..!!)

திரைப்படம் மேலான தமிழ் சினிமா இரசிகர்களின் ஆர்வம் மிகவும் கவலைக்குரியது. இந்த முறை விடியற்காலை 5 மணிக்கே காலைக்கடன்களை கூட முடிக்காமல் எந்திரன் படம் பார்க்க வேண்டிய கட்டாயத்திற்கு உள்ளானார்கள் என்றால் அவர்களின் ஆசையை, வெறியை என்னவென்று சொல்ல..?!!. அதற்கு மேலாக ரஜினியின் ரசிக கண்மணிகள் அலகு குத்தி காவடி, பாலாபிஷேகம் என்று இன்னும் என்னென்ன செய்ய முடியுமோ அதையெல்லாம் செய்து இன்னும் எத்தனை ஆண்டுகள் ஆனாலும் திருந்த மாட்டோம் என்று மீண்டும் ஒரு முறை நிரூபித்து விட்டார்கள். ஒரு திரைப்படத்தை திரைப்படமாகவும், ஒரு நடிகரை நடிகராகவும் பார்க்க முடியா இவர்களின் பகுத்தறிவு(!!) கவலையளிக்கிறது. 

சன் குழுமம் திரைப்படத்துறையில் இறங்கி இத்தனை நாளும் படங்களை வாங்கி மட்டுமே வெளியிட்டு வந்தார்கள். அப்படி வாங்கி வெளியிட்ட படங்களுக்களுக்கே அவர்கள் செய்த அலப்பறைகளை தமிழ் சமூகம் இன்றும் அறிந்து வருகிறது. படம் வெளியாகும் முன்பே "வெற்றி நடை போடுகிறது" என்று அவர்களின் எல்லா சேனல்களிலும் ஃபில்டப் கொடுப்பார்கள் என்று நகைச்சுவையாக கூட சொல்வதுண்டு. அப்படிப்பட்டவர்கள் களத்தில் இறங்கி சொந்தமாக ஒரு திரைப்படத்தை தயாரித்தால்..?!! அதுவும் அந்தப்படம் தமிழ் சினிமாவின் உச்ச நட்சத்திரமாக இருக்கும் ரஜினியை கதாநாயகனாகவும், அவரே பல வருடங்களாக தனக்கு ஜோடியாக நடிக்க மாட்டாரா என்று ஏங்கிய ஐஸ்வர்யா ராயை கதாநாயகியாகவும் கொண்டு தமிழ் சினிமாவின் "காஸ்ட்லி" டைரக்டர் என்று சொல்லப்படும் ஷங்கரின் இயக்கத்தில் அந்த படம் உருவாகிறது என்றால் எதிர்பார்ப்புக்கு சொல்லவும் வேண்டுமா...? இது போதாதென்று இந்திய படங்களிலேயே அதிக பட்ஜெட், இந்திய சினிமாவின் தேர்ந்தெடுக்கப்பட்ட சிறந்த தொழில்நுட்ப வல்லுநர்களின் கூட்டு உழைப்பில் உருவாக்கம் என்று வெளி வந்திருக்கும் எந்திரன் ஏற்படுத்திய எதிர்பார்ப்பு கொஞ்ச நஞ்சமல்ல..!! மார்க்கெட்டிங் யுக்தியில் கரை கண்ட சன் நிறுவனம் இந்த படத்தின் விளம்பரத்திற்கு செய்த தந்திரங்களை எழுதவே பல பதிவுகளை போடலாம். இந்திய திரையுலக வரலாற்றில், உலக திரைப்பட வரலாற்றில் படத்தின் ட்ரைலரை வெகு ஆடம்பரமாக வெளியிட்ட ஒரே நிறுவனம் இதுவாகத்தான் இருக்கும். அதன் பிறகு இசை வெளியீடு, படம் பற்றிய கலைஞர்களின் பேட்டிகள் என்று ஒரு வழி பண்ணி விட்டார்கள் தமிழ் ரசிகர்களை..!! நல்ல வேளை போஸ்டர் வெளியிடுவதையும் ஒரு விழாவாக நடத்தவில்லை என்பது பெரும் ஆறுதல். ஒருவேளை இனி வெளியிடும் படங்களுக்கு அதையும் அவர்கள் செய்யக்கூடும்.

இந்த படத்தின் கதையை ஏற்கனவே நம்மவர்கள் அலசி, ஆராய்ந்து, துவைத்து, காய போட்டுவிட்டதால் நானும் அரைத்த மாவையே அரைக்காமல், எந்திரன் படத்தை பார்த்த பின் நான் உணர்ந்தவற்றை எழுதியுள்ளேன்.  இந்த படம் ஷங்கரின் 10 வருட கனவு என்று ஊடக வாயிலாக அறிந்தேன். நான் சிறுவயதில் எழுத்தாளர் சுஜாதா எழுதிய "என் இனிய இயந்திரா" என்ற விஞ்ஞானக்கதையை மிகவும் விரும்பி படிப்பேன். அதன் தாக்கத்தில் தான் இந்த ரோபோவின் கதை உருவானது என்று ஷங்கர் சொன்னதாக எனக்கு ஞாபகம். இந்த விஞ்ஞானக்கதையை அப்பொழுதே திரைப்படமாக எடுக்க முடியாமல் போக அன்றைய தொழில்நுட்பம், அதிக செலவு, அத்தனை பிரபலமில்லாத ஷங்கர் போன்ற காரணங்கள் இருந்திருக்கலாம். நான் சொன்ன அனைத்தும் ஒன்றாக கூடி வந்த சமயம் தன் 10 வருட கனவை சன் குழும செலவில் நிறைவேற்றி இருக்கிறார் ஷங்கர். பொதுவாக ரஜினிக்கு இருக்கும் மாஸ் அவரின் படங்களுக்கு பெரும் எதிர்பார்ப்பை ஏற்படுத்துவது வழக்கம். இதனால் திரைப்படத்தின் பட்ஜெட் அதிகமாக இருப்பதும், போட்ட முதலுக்கு மேல் எடுக்க ரஜினியை முழுதும் பயன்படுத்தி கொள்வதும் மற்றும் இன்ன பிற விஷயங்களில் காம்ப்ரமைஸ் செய்து கொள்வதும் தவிர்க்க இயலாதவை (அந்த இன்ன பிற விஷயங்களில் முக்கியமான ஒன்று கதை பற்றி கவலை படாதது). ரஜினி என்ற பெயர் இருந்தாலே போதும், படத்தை ஓட்டி விடலாம் என்று கருதும் அளவிற்கு திரைப்படத்துறையில் அவரின் ஆதிக்கம் இருக்கிறது. ஆனால் ஒரு திரைப்படம் வெற்றியடைய அவர் மட்டும் போதாது என்பதை நிரூபித்து தோல்வி அடைந்த படம் குசேலன். எந்திரனில் கதை என்பது பெரிதாக இல்லாவிட்டாலும் ரஜினி, ஐஸ்வர்யா ராய், ரஹ்மான் இசை, பிரமாண்டம், தொழில்நுட்பம் போன்றவற்றை வைத்து எந்திரனை கரை சேர்க்க முயன்றிருக்கிறார் ஷங்கர். அவர் முயற்சியில் வெற்றி அடைந்திருக்கிறார் என்பதையும் இங்கே ஒத்துக்கொண்டு தான் ஆக வேண்டும்.

60 வயது ரஜினியை ஹீரோவாக காட்ட தைரியம் நிறைய வேண்டும். ஷங்கர் நவீன வசதிகளை நம்பி களம் இறங்கியது மட்டுமல்லாமல், ரஜினியையும் இளம் ஹீரோவாக காட்ட  முயன்றிருக்கிறார். எந்த படத்திலும் இல்லாத ரஜினியின் எதார்த்த அறிமுக காட்சி இத்திரைப்படத்தில் ஷங்கரின் ஆளுமைக்கு எடுத்துக்காட்டு. திரைப்படங்களில் நடிகர்களை விட இயக்குநர்களின் ஆளுமை அதிகரித்து வருவது தமிழ் சினிமாவில் ஆரோக்கியமான மாற்றம். கடந்த படங்களை போல் இந்த படத்திலும் ரஜினியின் முதுமையை இனம் காண முடியாத மேக்கப், இளவயதுக்குரிய விக், உடைகள், டூப் சாகஸங்கள் என்று இந்த படத்திலும் செய்திருக்கிறார்கள். ஆனால் எந்த ரஜினி படத்திலும் செய்யாத ஒரு முயற்சி இந்த படத்தில் கையாளப்பட்டிருக்கிறது. இதை பெரும்பாலான விமர்சகர்கள் சுட்டிக்காட்டாதது ஆச்சரியம். அவர்களுக்கு இது தெரியவில்லையா அல்லது கண்டு கொள்ளவில்லையா என்பது தான் என் கேள்வி. பொதுவாக படங்களின் சண்டைக்காட்சிகள், ஆபத்தான காட்சிகளில் கதாநாயகனின் அருமை உணர்ந்து டூப் போடுவார்கள். காட்சிகளில் அவர்களின் முகம் தெரிந்து விடாதவாறு அதை கவனமாகவும் ஷூட் செய்வார்கள். இங்கே ஒரு சுவராஸியமான விஷயத்தை பகிர்ந்து கொள்ள விரும்புகின்றேன்.  நடிகர்களில் ப்ரூஸ் லீ டூப் போடாதவர் என்று கேள்வி பட்டிருக்கிறேன். அவரைப்பற்றிய இன்னொரு ஆச்சரிய விஷயம் ஒன்று உண்டு. பொதுவாக திரைப்படத்தில் நாம் காணும் ஒரு செகண்ட் காட்சிக்கு 30 ஃப்ரேம்கள் பயன்படுத்தப்படும். அதில் சண்டைக்காட்சிகளை விறுவிறுப்பாக காட்ட ஃப்ரேம்களின் எண்ணிக்கை கூட்டப்படும் போது சண்டைக்காட்சிகள் வேகமாக தெரியும். ஆனால் ப்ரூஸ்லீயின் சண்டைக்காட்சிகளில் அவரின் அசைவுகள் இயல்பாகவே மிகவும் வேகமாக இருக்கும் என்பதால் அவரின் ஸ்டண்ட் ஸ்டெப்ஸ் தெரியாமல் போகுமாம். அதனால் ஃப்ரேம்களின் எண்ணிக்கையை குறைத்து, வேகத்தை குறைத்து காட்டுவார்களாம்.

ரஜினி ஒரு உச்ச நட்சத்திரம் என்பதால் இவரின் படங்களில் சர்வ சாதாரணமாக டூப் காட்சிகள் இருக்கும். ஆனால் இந்த படத்தில் விமர்சகர்கள் அனைவரும் குறிப்பிட்ட ஒரு விஷயம் சண்டைக்காட்சிகளில் ரஜினியின் வேகம், சுறுசுறுப்பு..!! ஆனால், அவை டூப் நடிகரை வைத்து எடுக்கப்பட்டது என்று சொல்லமுடியாத அளவுக்கு நிஜமான ரஜினியே இருந்ததை போன்ற உணர்வு. 60 வயது ரஜினியின் இந்த வேகம் என்னை ஆச்சரிய பட வைத்தது. அதே நேரம் ஃப்ரேம்களின் கூட்டல் யுக்தியை போல் இல்லாமல் இயல்பாகவும் இருந்தது. அது மட்டுமில்ல்லாமல்  படத்தில் விஞ்ஞானி ரஜினியும், ரோபோ ரஜினியும் வரும் காட்சிகளில் இருவரும் சந்தித்துக்கொள்ளவது, உரையாடுவது, ஒருவரை ஒருவர் அணைத்துக்கொள்வது உள்ளிட்ட காட்சிகள்  கம்ப்யூட்டர் க்ராஃபிக்ஸ் மூலம் செய்யப்பட்டது போல் இல்லாமல் அத்தனை பர்ஃபெக்ட். நான் ஆச்சரியத்துடன் கூகிளை கிண்டிய போது தான் என் ஆச்சரியத்தின் பின்னணி உண்மை புரிந்தது. அலெக்ஸ் மார்ட்டின் என்ற அயல்நாட்டு ஸ்டண்ட் நடிகரை மிகவும் புதுமையான முறையில் ரஜினியின் டூப்பாக இந்த படத்தில் பயன்படுத்தி இருக்கிறார்கள். அதாவது ரஜினி முகத்தை பிரதியெடுத்தது போல் ஒரு மாஸ்க் உருவாக்கி அதை அவருக்கு போட்டுவிட்டு, ரஜினி ஹேர்ஸ்டைலில் ஒரு விக்கையும் வைத்து விட்டார்கள். ஒரு மனிதனை எளிதாக அடையாளம் காண உதவும் கண்களை ரஜினியின் கண்ணாடி அணியும் வழக்கத்தை பயன்படுத்தி கண்ணாடி போட்டு கண் துளையையும் மறைத்து விட்டார்கள். இந்த படத்தில் அவரை வைத்து எடுத்த சண்டைக்காட்சிகள் அத்தனையும் உண்மையிலேயே புயல் வேகம் தான். ஆனால் படம் பார்ப்பவர்களுக்கு ரஜினியின் வேகமாக அது கருதப்பட்டிருக்கிறது. நிறைய விமர்சனங்களில் ரஜினி இந்த படத்தில் கடுமையாக உழைத்திருப்பதாகவும், சிட்டி ரோபோ ரஜினி இளமையாக தெரிவதாகவும் எழுதியிருந்தார்கள். உண்மையை சொல்லவேண்டுமென்றால் அது ரஜினியின் உருவமுமில்லை..அவரின் உழைப்புமில்லை.. அது மார்ட்டினுடையது...!!! பெரும்பாலான காட்சிகளில் சிட்டி ரோபாவாக வருவது ரஜினி அல்ல, அவரின் டூப்..!! இந்த படத்துக்காக ரஜினி கடுமையாக உழைத்திருக்கிறார் என்பது சுத்த ஹம்பக்..!! சொகுசாக நடித்ததற்கு அவருக்கு கிடைத்த தொகை கொஞ்ச நஞ்சமல்ல, 30 கோடிகள் என்று சொல்லப்படுகிறது.

எந்திரனில் சிட்டி ரோபோ ரஜினியாக சண்டைக்காட்சிகளில் நடித்த அலெக்ஸ் மார்ட்டின்

கதை நடக்கும் களமாக இன்றைய சென்னை காட்டப்படுகிறது. இன்றைய சென்னை மனித ரோபோ புழங்கும் காலகட்டத்தோடு கொஞ்சமும் பொருந்தவில்லை. கதை நடக்கும் காலத்தை இன்னும் 10, 15 வருடங்கள் கழித்து காட்டி இருந்தால் கொஞ்சம் பொருத்தமாக இருந்திருக்கும். படத்தின் பட்ஜெட்டில் பெரும்பகுதி ரஜினி, ஷங்கர், ஐஸ்வர்யா சம்பளத்துக்கே போயிருக்கிறது. அடுத்த இடத்தில் இருப்பது க்ராபிக்ஸ் செலவு. இந்திய திரையுலகில் இத்தனை அதிகமாக எந்த படத்திலும் க்ராஃபிக்ஸ் செய்ததில்லை. ஆனால், கிராமத்திலிருந்து வந்தவர்களெல்லாம் ஹாலிவுட், உலக சினிமாக்களை கரைத்து குடித்து வைத்திருக்கும் இந்த காலகட்டத்தில் எந்திரனின் க்ராபிக்ஸில் அத்தனை சுத்தம் மற்றும் இயல்பில்லை என்று தான் சொல்ல வேண்டும். பெரும்பாலான விமர்சகர்கள் படத்தின் க்ராஃபிக்ஸ் ஹாலிவுட் தரம் என்று சொல்லியிருக்கிறார்கள். ஹாலிவுட் நிறுவனம் செய்து கொடுத்தது ஹாலிவுட் தரத்தில் இருப்பது தான் நியாயம். ஆனாலும், அதை விட கொஞ்சம் குறைவாகத்தான் இருக்கிறது. வேண்டுமானால் இந்தியப்படங்களில் முதன்மையான தரம் என்று வேண்டுமானால் சொல்லிக்கொள்ளலாம். ஃபியோவுல்ஃப் என்றதொரு அனிமேஷன் படத்தில் நடிகர்களை அச்சு அசலாக அனிமேஷன் செய்திருந்தார்கள். இனி வரும் காலங்களில் நடிகர்களின் கால்ஷீட்டுக்கு அழும் பணத்தை அனிமேஷன்காரர்கள் பங்கு போட்டுக்கொள்ளலாம். நடிகர்களின் உருவத்தை பயன்படுத்த மட்டும் ஒரு தொகையை கொடுக்க வேண்டியிருக்கும். அந்த கான்செப்டில் ரஜினியை மையமாக வைத்தே "சுல்தான் தி வாரியர்" என்ற படம் சில ஆண்டுகளாக தயாரிப்பில் இருப்பது அனைவரும் அறிந்ததே..!!

சயின்ஸ் ஃபிக்ஸன் திரைப்படங்களில் ரசிகர்களை கவர தொழில்நுட்பத்தை சரியாக பயன்படுத்தினால் போதும். ஆனால் இந்த படத்தில் அசட்டுக்காமெடிகள் படத்தின் வேகத்திற்கு ஸ்பீட் பிரேக்கர்களாக இருக்கிறது. ஜூனியர் சயிண்டிஸ்டாக காட்டப்படும் கருணாஸ், சந்தானத்தின் காமெடி சகிக்கவில்லை. சந்தானத்தின் காமெடியோ வெறும் காமநெடி.!! வில் ஸ்மித் நடித்த ஐ ரோபோட், ராபின் வில்லியம்ஸ் நடித்த பைசென்டினியல் மேன், கீனு ரீவ்ஸ் நடித்த   மேட்ரிக்ஸ் படங்களின் பாதிப்பு எந்திரனின் பல காட்சிகளில் தெரிகிறது. மனிதர்களின் வசதிகளுக்காக உருவாக்கப்படும் ரோபாட்கள் மனிதர்களுக்கு எதிராக கிளம்புவது (ஐ ரோபாட்), மனிதர்கள் பல நூறு வடிவம் எடுத்து சண்டையிடுவது (மேட்ரிக்ஸ்) அந்த படங்களை நினைவு படுத்தும். ரோபோவின் தோற்றம் பைசென்டினியல் மேன் பட ரோபோவின் நகல். ரஜினி என்ற நடிகரை வைத்து கோடிகளை கொட்டி தான் படம் எடுக்க வேண்டும் என்பதில்லை. குறைந்த பட்ஜெட்டில் நகைச்சுவை படம் எடுத்தால் கூட அது வெற்றிப்படமாகத்தான் அமையும். சன் டிவி கொட்டிய அத்தனை கோடிகளுக்கு பதிலாக பல மடங்கு தொகையை தமிழர்களிடமிருந்து உறிஞ்சி எடுக்காமல் விடமாட்டார்கள். தமிழர்களுக்கு இதெல்லாம் ஒரு விஷயமா என்ன..? அவர்கள் தான் எதையும் தாங்கும் இதயம் படைத்தவர்கள் ஆயிற்றே..!!

மொத்தத்தில் எந்திரன் தமிழர்களை ஏமாற்ற தெரிந்த தந்திரன்..!!

               

தில்லாலங்கடி திட்டம்..!!

தில்லாலங்கடி திட்டம்..!!

என் நண்பனை பில்கேட்ஸுக்கு மருமகனாகவும், வேர்ல்ட் பேங்க் பிரசிடெண்டாகவும் ஆக்க என்னால் முடியும்..

எப்படின்னு சொல்றேன் கேளுங்க..

முதல்ல நான் என் நண்பனை சந்திக்கிறேன்.

நானும் நண்பனும்...

நான்: மாப்ள.. உனக்கு ஒரு பெண் பார்த்திருக்கேன்.. அதை கட்டிக்கிறியா..?!!

நண்பன்: இல்ல..இல்ல.. முடியாது.. ஏன்னா நான் வேற ஒரு பொண்ணை நெட்ல கரெக்ட் பண்ணிட்டு இருக்கேன்..!!

நான்: ஆனா நான் பார்த்திருக்கும் பொண்ணு பில்கேட்ஸ் மகள்..ராசா..!!

நண்பன்: அப்படின்னா டபுள் ஓகே..!!

அடுத்து என்னோட டார்கெட் பில்கேட்ஸ்...

நானும் பில்கேட்ஸும்..

நான்: சார்..உங்க பொண்ணுக்கு ஒரு சூப்பர் பையனை மாப்பிள்ளையா பார்த்திருக்கேன்...! அவன் என் ஃப்ரெண்ட்..!!

பில்கேட்ஸ்: உன் ஃப்ரெண்டுக்கெல்லாம் நான் பொண்ணு தர மாட்டேன்..!!

நான்: ஆனா அந்த பையன் வேர்ல்ட் பேங்க் பிரசிடெண்டா இருக்கான் மிஸ்டர் பில்கேட்ஸ்..!!

பில்கேட்ஸ்: அப்படின்னா டபுள் ஓகே..!!

கடைசியா நான் சந்திக்கிறது அமெரிக்க அதிபர் ஒபாமா..!!

நானும் ஒபாமாவும்..

நான்: வேர்ல்ட் பேங்க்-க்கு ஒரு அருமையான பிரசிடெண்டை செலக்ட் பண்ணி வச்சிருக்கேன்.. என்ன சொல்றீங்க..!!

ஒபாமா: ஏற்கனவே ஏகப்பட்ட பேர் ரெகமண்டேஷன் லிஸ்ட்ல இருக்காங்க..அதெல்லாம் வேணாம்...!!

நான்: ஆனா நான் செலக்ட் பண்ணி வச்சிருக்கிற ஆள் பில்கேட்ஸ் மருமகன் சார்..!!

ஒபாமா: அப்படின்னா டபுள் ஓகே..!!

இப்ப என் நண்பன் பில்கேட்ஸ் மருமகன் + வேர்ல்ட் பேங்க் பிரசிடெண்ட்.!! 

இதிலேர்ந்து என்ன தெரியுது..?!! ஒரு தில்லாலங்கடியை பெரிய ஆளாக்க எதுவும் தேவை இல்ல.. ஒரு டுபாக்கூர் ஃப்ரெண்ட் போதும்..!!

நன்றி: இணையம்

இஸ்லாம் மார்க்கம் - ஒரு பார்வை (பகுதி-12)

அசைவம் உண்பது பாவமா..?


விலங்குகளைக் கொல்வது என்பது கொடிய செயல் எனும் போது முஸ்லீம்கள் ஏன் அசைவ உணவுகளை விரும்பி உண்கிறார்கள்..? அதனால் தான் அவர்கள் வன்முறையில் அதிகமாக ஈடுபடுகிறார்கள் என்ற கருத்து பரவலாக உள்ளது. அந்த கருத்து உண்மையா..? அதைப்பற்றி இங்கே காண்போம். அதற்கு முன்பு அசைவத்தை மனிதர்கள் உண்ணலாமா என்பதை முதலில் பார்த்துவிடுவோம்.

இது முஸ்லீம்களை குறை சொல்ல பயன்படுத்தும் உத்திகளில் இதுவும் ஒன்று. நான் ஏற்கனவே சொன்னது போல் இஸ்லாம் தர்க்க ரீதியிலும், விஞ்ஞான ரீதியிலும் தன் கொள்கையை விளக்கி அதன் பரிசுத்தத்தை நிலைநாட்டுகிறது. அதே வழியில் மேலே உள்ள குற்றச்சாட்டிற்கும் நான் பொருத்தமான விளக்கத்தை அளிக்கிறேன்.

உணவில் சைவம் என்பது இப்போது �Vegetarianism� என்ற பெயரில் உலகளவில் பேசப்பட்டுவரும் ஒரு விஷயம். அவர்கள் விலங்குகளை கொல்வதற்கு எதிராகவும், அவற்றின் உரிமை பற்றியும் பேசுகிறார்கள். அவர்கள் இறைச்சி உண்பது பற்றியும், அசைவ உணவுகள் பயன்படுத்துவது பற்றியும் விலங்குகளின் உரிமைகளுக்கு எதிரான விஷயம் என்ற வகையில் பேசி வருகிறார்கள். உயிர்களின் மீது கருணை, ஆதரவு காட்டுவதை இஸ்லாம் வரவேற்கிறது. அதே நேரம் இந்த உலகம், அதிலுள்ள குறிப்பிட்ட ஜீவராசிகள், தாவரங்கள் மனித குலத்தின் பயன்பாட்டிற்காக படைக்கப்பட்டது என்பதையும் மறுக்காமல் நிலைநாட்டுகிறது. இந்த உலகத்தில் மனிதனின் பயன்பாட்டிற்கு கிடைக்கும் அனைத்தும் இறைவனின் ஆசியுடன் கூடிய பரிசு ஆகும். ஒரு சில விஷயங்களை பட்டியலிட்டு "அப்படியா" என்று கேட்குமளவுக்கு ஆச்சரியப்படுத்தி விடுகிறேன்.

1. உங்களுக்கு ஒரு விஷயம் தெரியுமா..? ஒரு முஸ்லீம் அசைவத்தை தொட்டுக்கூட பார்க்காத சைவனாக தன் வாழ்நாள் முழுதும் எந்த ஒரு ஆட்சேபணையும் இல்லாமல் இஸ்லாத்தில் இருக்க முடியும். அவனுக்கு அசைவ உணவு என்பது கட்டாயப்படுத்தப்படவில்லை. அதே நேரம் (ஒரு குறிப்பிட்ட இஸ்லாம் தடுக்கும் பறவை, விலங்கினங்களை தவிர) மற்ற விலங்குகளை கொண்ட அசைவ உணவு உண்பதை இஸ்லாம் அனுமதிக்கிறது

2. இறைச்சி உணவு மனித உடம்புக்கு சக்தியை கொடுக்கக்கூடியது. அது தான் உடம்புக்கு தேவையான புரோட்டினுக்கு ஆதாரமாக இருக்கிறது. இறைச்சியில் அமினோ அமிலத்தை உள்ளடக்கிய 8 வகையான அடிப்படை மூலங்கள் இருக்கின்றன. அது மட்டுமல்லாமல் இறைச்சியில் இரும்புச்சத்து, நியாசின், விட்டமின் B1-ம் கூட அமைந்துள்ளன.

3. மனிதன் இறைச்சி உண்ணலாம் என்பதை இறைவன் கொடுத்த உடலில் உள்ள பற்களின் அமைப்பில் இருந்தே அறியலாம். நீங்கள் சைவத்தை உணவாக உட்கொள்ளும் விலங்குகள் (எ.கா) பசு, ஆடு, ஒட்டகம் ஆகியவற்றை கவனித்தால் ஒரு விஷயம் புலப்படும். அவற்றிற்கு பற்கள் அமைப்பு ஒத்திருக்கும். அது மட்டுமல்லாமல் சைவ உணவிற்கு ஏற்ற வகையில் கடவாய் பற்கள் தட்டையாக அமைந்திருக்கும். இதுவே அசைவத்தை உண்ணும் புலி, சிங்கம், சிறுத்தை போன்றவற்றின் பற்களை அமைப்பை கண்டால் அவைகளின் அசைவ உணவு பழக்கத்திற்கேற்ப மாமிசத்தை குத்திக்கிழித்து உண்ண ஏதுவாக நீண்ட, கூர்மையான கோரைப்பற்கள் இருக்கும். மனிதனின் பற்களைக்கண்டால் இருவகையான பற்களையும் கொண்ட அமைப்பாக இருக்கும். இதிலிருந்தே நாம் புரிந்து கொள்ளலாம், நாம் இருவகையான உணவையும் உண்ணலாம் என்பதை.

4. பற்களின் அமைப்பு மட்டுமல்ல, விலங்குகளின் ஜீரண அமைப்பை எடுத்துக் கொள்வோம். சைவ உணவு உண்ணும் விலங்கு அசைவத்தை உண்ணாது. அதே போல் அசைவ உணவு உண்ணும் விலங்கு சைவத்தை உண்ணாது (அதைத்தான் நம் முன்னோர்கள் புலி பசித்தாலும் புல்லைத்தின்னாது என்றார்கள்..!!). அப்படி தின்றால் ஜீரண மண்டலத்தில் சிக்கல் ஏற்பட்டு அவை உயிரிழக்க நேரிடும். ஆனால், மனிதன் இரு வகையான உணவை உண்டாலும் ஜீரணிக்க கூடிய ஜீரண மண்டலம் இருக்கிறது. அப்படி இருக்கும் போது அசைவம் கூடாது என்று சொல்வது பொருத்தமாக இருக்காது.

5. இந்து மதத்தில் பெரும் எண்ணிக்கையில் அசைவத்தை உண்ணாதவர்கள் உள்ளார்கள். குறிப்பாக இந்து மதத்தின் குறிப்பிட்ட பிரிவைச்சேர்ந்த ஜைனர்கள், பிராமணர்கள் அசைவத்தை உண்பது தன் மதத்திற்கு எதிரானது என்று நினைத்துக் கொண்டிருக்கிறார்கள். அது உண்மையல்ல. இந்து மதம் அசைவம் உண்ண அனுமதித்திருக்கிறது என்பது உண்மை. அதை இந்துக்களின் புனித நூலிலிருந்தே என்னால் எடுத்துச் சொல்ல முடியும். உதாரணத்திற்கு சில:


(அ) இந்து சமய சட்ட நூலான மனு ஸ்மிருதியில் அத்தியாயம் 5, பகுதி 30 -ல் கீழே உள்ளது குறிப்பிடப்பட்டுள்ளது.
"The eater who eats the flesh of those to be eaten does nothing bad, even if he does it day after day, for God himself created some to be eaten and some to be eater."

(ஆ) அதே நூலில் அதே அத்தியாயம் 5, பகுதி 31-ல் சொல்லப்படுகிறது..
"Eating meat is right for the sacrifice, this is traditionally known as a rule of the gods."

(இ) அதே அத்தியாயம் 5, பகுதி 39 மற்றும் 40 -ல்...
"God himself created sacrificial animals for sacrifice, ...., therefore killing in a sacrifice is not killing."

(ஈ) மஹாபாரதத்தில் அனுஷாஷன் பர்வா அத்தியாயம் 88 பகுதியில் பீஷ்மருக்கும் யுதிஷ்திடருக்கும் நடைபெறும் உரையாடலில் இறந்த முன்னோர்களின் ஆன்மாக்களை திருப்திபடுத்த எந்த வகையான உணவுகளை படைக்க வேண்டும் என்று குறிப்பிடப்படுகிறது. அதன் ஆங்கில வடிவம் கீழே:
"Yudhishthira said, "O thou of great puissance, tell me what that object is which, if dedicated to the Pitiris (dead ancestors), become inexhaustible! What Havi, again, (if offered) lasts for all time? What, indeed, is that which (if presented) becomes eternal?"

"Bhishma said, "Listen to me, O Yudhishthira, what those Havis are which persons conversant with the rituals of the Shraddha (the ceremony of dead) regard as suitable in view of Shraddha and what the fruits are that attach to each. With sesame seeds and rice and barely and Masha and water and roots and fruits, if given at Shraddhas, the pitris, O king, remain gratified for the period of a month. With fishes offered at Shraddhas, the pitris remain gratified for a period of two months. With the mutton they remain gratified for three months and with the hare for four months, with the flesh of the goat for five months, with the bacon (meat of pig) for six months, and with the flesh of birds for seven. With venison obtained from those deer that are called Prishata, they remaingratified for eight months, and with that obtained from the Ruru for nine months, and with the meat of Gavaya for ten months, With the meat of the bufffalo their gratification lasts for eleven months. With beef presented at the Shraddha, their gratification, it is said , lasts for a full year. Payasa mixed with ghee is as much acceptable to the pitris as beef. With the meat of Vadhrinasa (a large bull) the gratification of pitris lasts for twelve years. The flesh of rhinoceros, offered to the pitris on anniversaries of the lunar days on which they died, becomes inexhaustible. The potherb called Kalaska, the petals of kanchana flower, and meat of (red) goat also, thus offered, prove inexhaustible.

அப்படியென்றால் முன்னோர்களை திருப்தி படுத்த சிவப்பு இறைச்சி கொண்ட ஆடுகளையும் படைக்க வேண்டும் என்று கூறப்படுவதை தெரிந்து கொள்ளலாம். என் மொழிபெயர்ப்பின் மூலம் அதன் பொருள் மாறிவிட வாய்ப்புள்ளது என்பதால் மேலே உள்ளவற்றை நான் ஆங்கிலேயத்திலேயே கொடுத்துள்ளேன். நான் கொடுத்துள்ளது சரிதானா என்பதை மன்றத்தின் சிறந்த இந்து மத ஆன்மீகவாதியான திரு. சிவசேவகன் அவர்கள் படித்து தன் விளக்கத்தை அளிக்க வேண்டும். அதுமட்டுமல்ல, அவர் ஒரு சைவர் என்பதால் அவர் சொல்வது மிகவும் பொருத்தமாக இருக்கும் என்பது என் கருத்து.

7. இந்துத்துவம் என்பது பல கூறுகளாக பிரிந்து தன் சமய நூல்கள் சொல்லும் விஷயங்களை பின்பற்றமுடியாத நிலையை ஏற்படுத்தி இருக்கிறது. உதாரணத்திற்கு இந்து சமயத்தில் அசைவம் உண்ணலாம் சமய நூல்களில் சொல்லப்பட்டிருந்தாலும் அவர்கள் தன்னுடைய சுய விருப்பத்திற்காக பிராமண, ஜைன பிரிவுகளை சேர்ந்த இந்துக்களும், தன் மதத்தை நேசிப்பதாக சொல்லும் பல இந்துக்களும் சைவத்தை மட்டும் உண்ணுகிறார்கள். இதன் தொடர்ச்சியாக இன்னும் சில கருத்துக்களை எழுத உள்ளேன். 

உயிர்களை கொல்லக்கூடாது என்பது தான் சைவத்தை வற்புறுத்துவதின் நோக்கம் என்றால் சைவர்கள் உண்ணும் தாவரங்கள் மட்டும் உயிர் இல்லையா..? இன்றைய விஞ்ஞானம் தாவரங்களுக்கும் உயிர் உள்ளதை நிரூபித்துவிட்டது. அதனால் தான் அவைகள் வளர்கின்றன, பூக்கின்றன, காய்க்கின்றன, நம்மைப்போல் இனப்பெருக்கமும் செய்கின்றன. உயிர்களை உணவுக்காக கொல்லாமல் மனிதன் வாழ்வது என்பது நடைமுறைச்சாத்தியம் இல்லை.

உடனே நம்மவர்கள் தாவரங்களுக்கு விலங்குகளைப்போல் ஐந்தறிவு கிடையாது, மிகக்குறைந்த அறிவே இருப்பதால் கொல்வது தவறில்லை என்று தர்க்கம் செய்வார்கள். அந்த தர்க்க ரீதியிலேயே அவர்களிடம் நான் ஒரு கேள்வி கேட்கிறேன். உங்களுடைய காது கேளாத, வாய் பேசாத, கண் தெரியாத சகோதரன் (மூன்றறிவுடன்) இருக்கிறார். அவர் யாராவது ஒருவரால் கொல்லப்பட்டால் மூன்றறிவு மனிதனைத்தானே கொன்றான் என்று தண்டனையை குறைக்கச் சொல்லி நீதி மன்றத்தில் சொல்வீர்களா..? அப்படி நீங்கள் சொன்னாலும் சட்ட கேட்காது. அறிவு குறைந்த அப்பாவியை கொன்றதற்காக அந்த குற்றவாளிக்கு உண்மையான தண்டனையை விட கொடுமையான தண்டனை கொடுக்கத்தான் பரிந்துரைப்பார்கள். அதனால் தாவரங்களின் குறைந்த அறிவு பற்றிய வாதம் இங்கு எடுபடாது.

சிலரோ, நம்மை போல் தாவரங்களுக்கு வலியும், வேதனையும் கொல்லும் போது இல்லை. அதனால் அது குற்றம் இல்லை என்று விஞ்ஞானம் வழியாக சொல்வார்கள். யார் சொன்னது அப்படி..? உயிர் என்று வரும் போது வலி என்பது பொதுவாகிவிடும். இன்றைய விஞ்ஞானம் தாவரங்களுக்கும் வலியை உணர்கின்றன என்று கண்டுபிடித்து இருக்கிறார்கள். அது மட்டுமல்ல, அவைகள் துன்புறுத்தப்படும் போது நம்மைப் போலவே சத்தமிட்டு அழுகின்றன. இதென்ன கதை என்கிறீர்களா..? கதையல்ல ஐயா.. அறிவியல் உண்மை..!! மனிதனின் உடல் செயல்பாடுகளில் ஏகப்பட்ட குறைபாடுகள் உண்டு. அதில் ஒன்று தான் இயற்கையாக அமைந்த கேட்கும் திறனில் உள்ள குறைபாடும்.

மனிதக்காதின் கேட்கும் திறனானது ஒலி 20 ஹெர்ட்ஸ் கீழோ அல்லது 20,000 ஹெர்ட்ஸ் மேலோ போகும் போது கேட்க இயலாது. ஒரு நாய் 40,000 ஹெர்ட்ஸ் வரை மனிதனை விட கூடுதலாக கேட்க முடியும். அதனால் தான் அருகில் நிற்கும் நமக்கு கேட்காத அந்த நாய் எஜமானனின் விசில் ஒலி நாய்க்கு கேட்டு ஓடுகிறது. அமெரிக்காவில் ஒருவர் கண்டுபிடித்த ஒரு சாதனம் தாவரங்களின் ஒலியை மனிதர்களின் கேட்கும் திறனுக்கு ஒத்துபோகும் படி செய்கிறது. அதை அவர் பயன்படுத்திய போது தாவரங்கள் நீரில்லாமல் இருக்கும் போது அதற்காக அவை அழுவதை தெரிந்து கொள்ள முடிந்தது. நாம் ஒரு தாவரத்தை பார்ப்பதின் மூலம் அதன் தோற்றத்தின் அடிப்படையில் அதன் சந்தோஷம், வேதனையை தெரிந்து கொள்கிறோம். ஆனால், தற்போதைய கண்டுபிடிப்புகள் தாவரம் சந்தோஷம், வேதனையினால் வெளிப்படுத்தும் உணர்வுகளையும் தெரிந்து கொள்ள உதவுகின்றன.

உலகில் உள்ள எல்லோரும் சைவத்தை மட்டும் உண்டால் அது விலங்குகளின் கூடுதல் இனப்பெருக்கத்திற்கு வழி செய்துவிடும். அதை பராமரிப்பதில், விவசாயத்தை, நம்மை விலங்குகளிடமிருந்து காப்பதில் பெரும்பிரச்சினை ஏற்படும். இதை தடுக்க இறைவனால் அருளப்பட்ட பரிசே அசைவ உணவு என்பது. அதுமட்டுமல்ல எல்லோரும் சைவ உணவு உண்டால் காய்கறிகளின் தேவை அதிகமாகி, உற்பத்தி சமநிலைப்படாமல் அதன் விலைகள் விண்ணை நோக்கி உயர்ந்து விடும். அசைவ உணவின் விலை அதளபாதாளத்திற்கு தாழ்ந்து விடும். இதையா நீங்கள் எதிர்பார்க்கிறீர்கள்..?

நான் இங்கு எழுதியிருப்பவை அனைத்தும் குற்றம்சாட்டும் முயற்சி அல்ல. நான் செய்வது தவறில்லை என்பதை உங்களைக் கொண்டே நிரூபிக்கும் தன்னிலை விளக்கம். அவ்வளவே..!!  




சத்தியம்:
வாழ்த்துக்கள் ஜாபர் தொடருங்கள் உன்கள் அழைப்பு பணியை அல்லா உன்களுக்கு அருள் புரிவனாக 

LOLLUVATHIYAR:

Quote:

Originally Posted by இதயம் நீங்கள் என் கருத்தில் உடன்பாடில்லை எனில் அதற்கு தகுந்த ஆதாரங்களோடு, காரணங்களோடு மறுத்த கூறவேண்டும். அதில் உண்மை இருக்கும் பட்சத்தில் அதை ஏற்க வேண்டியது என் கடமை. [/COLOR]

நண்றி இதயம், நான் உங்கள் கருத்தில் உடன் பாடு இல்லை ஆனால் ஆதரம் தர மாட்டேன் என்று கூறவில்லை.
நான் நினைப்பது முதலில் இஸ்லாம் மதத்தை பற்றி ஓரளவுக்கு தெரிந்து கொள்ள.
அதாவது உங்கள் மூலம் இந்த திரியில் பதித்து கொள்ள வேண்டும்.
சர்சைகள் அனைத்தும் பிறகு விவாதித்தால் தான் சிறப்பாக இருக்கும் என்பது என் கருத்து.
சர்ச்சை இல்லாமல் எந்த கருத்தும் இல்லை. ஆனால் முதலில் கருத்து சொன்னவர் தான் சொல்ல வந்த கருத்தை அனைத்து பதித்து விட வேண்டும்.
அப்படி மற்றவர்கள் இந்த திரியை தொடர்ச்சியாக முழுவதும் படித்து விட்டு, பிறகு ஆட்சேபம் ஏதாவது இருந்தால் தெரிவித்து விட்டு விவாதம் தொடரலாம்.
விவாதம் ஆரம்பத்திலேயே தொடங்கினால், விவாதம் வளரும்
ஆனால் மாற்று மத பிரிவினர் என்ன தெரிந்து கொள்ள வேண்டுமோ அதை தெரிந்து கொள்ள வாய்பில்லாமல் போய்விடும்.

அடுத்தது இந்துகள் மதத்தில் அசைவம் பற்றிய உங்கள் கருத்து சரியானதே.
மனு, வேதம் எதை சாப்பிட்டால் ஆரோக்கியம், சிறந்தது , எதை சாப்பிட்டால் உடலுக்கு கெடுதல் என்று மட்டுமே கூறும்,
இதை சாப்பிட்டே ஆக வேண்டும், இதை சாப்பிடவே கூடாது என்று கட்டாய படுத்தாது.
ஒரு குறிப்பு : வேதம் பொதுவாக மனித வாழ்கை அமைவதை பற்றி எழுதபட்டது. இந்து என்ற மதத்துக்காக எழுதபட்டதல்ல.
அந்த காலத்தில் இந்து மதத்தவர்கள் அதை பின்பற்றினார்கள் அவ்வளவுதான். வேதத்துக்கும் மதத்துக்கும் சம்மந்தம் இல்லை 


 இதயம்

Quote:

Originally Posted by to_hero வாழ்த்துக்கள் ஜாபர் தொடருங்கள் உன்கள் அழைப்பு பணியை அல்லா உன்களுக்கு அருள் புரிவனாக

படித்துவிட்டு வெறுமனே போவதை விட தங்கள் கருத்தை இடும் உங்களைப்போன்றவர்கள் தான் என் மனதுக்கு ஆறுதலாக இருக்கிறார்கள். அதற்காக மற்றவர்கள் என்னை பாராட்டித்தான் எழுதவேண்டும் என்பதில்லை. என் பதில்களில் முரண், நடைமுறைக்கு ஒத்துவராத, பொய்யான தகவல்கள் இருந்தால் எந்த தயக்கமும் இருந்தால் சுட்டிக்காட்டலாம்.

தங்கள் ஆதரவுக்கு நன்றி..! 

LOLLUVATHIYAR:

இதயம் அவர்களே என் அடுத்த கேள்வி முஸ்லீம்களின் ஹஜ் பயனத்தை பற்றி கூறுங்கள்.
எந்த வயது பிரிவினர் ஹஜ் பயனம் மேற்கொள்ளலாம்.
பெண்கள் ஹஜ் பயனம் போவார்களா.

ஹஜ் பயனம் எங்கு செல்கிறார்கள், அங்கு என்ன பன்னுகிறார்கள்.
அங்கு தூனுக்கு கல் எறிவார்கள், அது ஏன்?
ஹஜ் பயனத்தின் மகிமை என்ன?


 இதயம்

Quote:

Originally Posted by lolluvathiyar நான் நினைப்பது முதலில் இஸ்லாம் மதத்தை பற்றி ஓரளவுக்கு தெரிந்து கொள்ள.

நீங்கள் குறிப்பிட்ட படி இஸ்லாம் பற்றி ஆழ்ந்து அறியாத காரணத்தால் தான் என்னை இந்த திரி எழுதும்படி வேண்டிக்கொண்டீர்கள். உங்கள் அன்பு வேண்டுகோள் ஏற்று எழுதி வருகிறேன். உங்கள் கருத்துப்படி இஸ்லாம் பற்றி கொஞ்சமே தெரிந்த நீங்கள் இஸ்லாம் வாள் மூலம் பரப்பப்படவில்லை என்பதை நான் தகுந்த ஆதாரம், காரண காரியங்களுடன் விளக்கும் போது அதை ஏற்க மறுப்பது முரண்பாடாக தெரியவில்லையா வாத்தியார் அவர்களே..?!! அப்படியானால் அடுத்தவர்கள் எப்படி போதித்தார்களோ, அதையே அறைகுறையாக அறிந்து நம்பிக்கொண்டிருக்கிறீர்கள். அதற்கு மனிதனுக்கே உரிய குற்றம் கண்டு பிடிக்கும் குணம் உறுதுணையாக இருக்கிறது. அப்படி தானே..?

Quote:

Originally Posted by lolluvathiyar சர்சைகள் அனைத்தும் பிறகு விவாதித்தால் தான் சிறப்பாக இருக்கும் என்பது என் கருத்து. சர்ச்சை இல்லாமல் எந்த கருத்தும் இல்லை. ஆனால் முதலில் கருத்து சொன்னவர் தான் சொல்ல வந்த கருத்தை அனைத்து பதித்து விட வேண்டும். அப்படி மற்றவர்கள் இந்த திரியை தொடர்ச்சியாக முழுவதும் படித்து விட்டு, பிறகு ஆட்சேபம் ஏதாவது இருந்தால் தெரிவித்து விட்டு விவாதம் தொடரலாம். விவாதம் ஆரம்பத்திலேயே தொடங்கினால், விவாதம் வளரும்

நான் எழுதும் இஸ்லாம் பற்றிய விளக்கங்கள் மற்றவர்களுக்கு சந்தேகங்களை, குழப்பத்தை ஏற்படுத்தி கேள்வி வரலாம் என்று தான் ஒவ்வொரு பகுதியையும் முடித்த பிறகு இடைவெளி விடுகிறேன். ஆனால், நான் எதிர்பார்ப்பது போல் கேள்விகள் வருவதில்லை. என் விளக்கங்களில் அவர்கள் ஒத்துப்போவதாக தான் இவ்வளவு நாளும் எண்ணிக்கொண்டிருக்கிறேன். எல்லாம் முடிந்த பிறகு கேள்வி கேட்கிறேன் என்று நீங்கள் சொல்வது நடைமுறை சாத்தியம் இல்லை. காரணம், இஸ்லாத்தில் உள்ள விஷயங்களை சொல்ல ஆரம்பித்தால் என் வாழ்நாள் போதாது. அதனால், அவ்வப்போது உள்ள சந்தேகங்களை உடன் கேட்டுவிடுவதே சிறந்தது. மறப்பதற்கோ, விடுபட்டு போவதற்கோ வாய்ப்பிருக்காது. ஆன்மீகம் என்பது நம்பிக்கை ஒன்றை மட்டும் அடிப்படையாக கொண்டதால் இங்கு உள்ள பல திரிகளுக்கு கேள்வி கேட்பது என்பது இயலாத காரியம். காரணம், தர்க்க ரீதியாக, அறிவியல் ரீதியாக பதில் இருக்காது. ஆனால், நான் எழுதும் திரி இவை இரண்டுக்கும் ஒத்துப்போகும் என்பதால் இருவகையிலும் என்னால் பதிலளிக்க முடியும். இந்த எண்ணமே இந்த திரியை ஆன்மீகப்பகுதியில் இட்டது தவறோ என்று சில நேரங்களில் என்னை எண்ண வைத்துவிடுகிறது.

Quote:

Originally Posted by lolluvathiyar வேதம் பொதுவாக மனித வாழ்கை அமைவதை பற்றி எழுதபட்டது. இந்து என்ற மதத்துக்காக எழுதபட்டதல்ல.அந்த காலத்தில் இந்து மதத்தவர்கள் அதை பின்பற்றினார்கள் அவ்வளவுதான். வேதத்துக்கும் மதத்துக்கும் சம்மந்தம் இல்லை

எனக்கு தெரிந்த வரை மனித வாழ்க்கையை நெறிப்படுத்தும் பொருட்டு மனிதர்களால் எழுதப்பட்டவை தான் சமயநூல்கள். உதா. இராமாயணம், மஹாபாரதம். நீங்கள் சொன்னபடி இந்து மதத்திற்காக எழுதப்பட்டதில்லை என்றால் அதன் கொள்கைகளை வாழ்க்கை நெறிமுறைகளை எதன் மூலம் இந்து சகோதரர்கள் அறிந்து கொள்கிறார்கள்.? வேதத்திற்கும் மதத்திற்கும் சம்பந்தம் இல்லை என்றால் அந்த மதச்சட்டங்களாக வேதங்களில் குறிப்பிடப்பட்டவை ஏன் பின்பற்றப்படுகிறது.? உங்களுடைய பதில் இந்துத்துவத்தின் அடிப்படையையே உலுக்குகிறது. தயவு செய்து விபரமாக விளக்குங்கள். அறிய ஆவலாய் இருக்கிறேன்.
அக்னி:
அட, இவ்வளவு பக்கங்களாகிவிட்டனவா..?
வாசித்துவிட்டு வருகின்றேன் இதயம்... வாசித்தவரை, அருமையாக உள்ளது...
பாராட்டுக்கள்... 


இதயம்:
நன்றி அக்னி..! உங்களைப்போன்றவர்கள் ஆதரவு, ஊக்கம் இல்லாமல் என்னால் இதைச் செய்ய முடிந்திருக்காது..!!  

LOLLUVATHIYAR:

உங்கள் ஆதங்கம் எனக்கு புரிகிறது இதயம்.

Quote:

Originally Posted by இதயம் இஸ்லாம் பற்றி கொஞ்சமே தெரிந்த நீங்கள் இஸ்லாம் வாள் மூலம் பரப்பப்படவில்லை என்பதை நான் தகுந்த ஆதாரம், காரண காரியங்களுடன் விளக்கும் போது அதை ஏற்க மறுப்பது முரண்பாடாக தெரியவில்லையா வாத்தியார் அவர்களே..? இஸ்லாம், குரானின் நெரிகள் பற்றி தான் எனக்கு அதிகமாக தெரியாது என்று சொன்னேன் இதயமே. அது உன்மையும் கூட. ஆனால் வரலாறு தெரியாது என்று நான் சொல்லவில்லை. நான் முரன்படவில்லை. இஸ்லாம் மதம் வாளின் உதவியால் பரப்ப வேண்டும் என்று குரான் கூறவில்லை என்பதை உங்கள் படைப்பின் மூலமாக தான் தெரிந்து கொண்டேன். ஆனால் வரலாறு வேறு, அதுக்கு குரானுக்கும் சம்மந்தமில்லை அல்லவா? தோராயமாக 750 வருடக்க்களுக்கு முன் சில இஸ்லாமிய மனிதர்கள் (மன்னர்கள்) செய்த தவறுக்கு இஸ்லாம் காரனமல்ல என்பதை உங்கள் படைப்பின் மூலம் அறிந்து கொள்ள முடியும். ஆனால் முகலாய மன்னர்கள் இஸ்லாமை வாள் முனையில் பரப்பவில்லை என்ற ஒரே கருத்தை தான் ஏற்க மறுகிறேன். இந்த திரி இஸ்லாம் பற்றிய திரி, முகலாய மன்னர்களை பற்றி இப்பொழு ஏன் விவாதிக்க வேண்டும் என்று தான் என் கேள்வி. !! அப்படியானால் அடுத்தவர்கள் எப்படி போதித்தார்களோ, அதையே அறைகுறையாக அறிந்து நம்பிக்கொண்டிருக்கிறீர்கள். அதற்கு மனிதனுக்கே உரிய குற்றம் கண்டு பிடிக்கும் குணம் உறுதுணையாக இருக்கிறது. அப்படி தானே..? ஆன் உன்மைதான் நான் அப்படிதான் குரானை பற்றி தவறாக நினைத்து கொண்டிருந்தேன். உங்கள் குற்றத்தை ஒப்பு கொள்கிறேன். எல்லாம் முடிந்த பிறகு கேள்வி கேட்கிறேன் என்பது நடைமுறை சாத்தியம் இல்லை. காரணம், இஸ்லாத்தில் உள்ள விஷயங்களை சொல்ல ஆரம்பித்தால் என் வாழ்நாள் போதாது. உன்மைதான் , முழுவதாக தெரிந்து கொள்ள முடியாது. ஆனால் ஓரளவுக்காக தெரிந்து கொள்ளாமல்லவா? அதனால் தான் நான் உங்களை கேள்வி மூலம் கேட்கிறேன். நீங்கள் என் கேள்வியை உற்று நோக்கினாலே தெரியும். வேதத்திற்கும் மதத்திற்கும் சம்பந்தம் இல்லை என்றால் அந்த மதச்சட்டங்களாக வேதங்களில் குறிப்பிடப்பட்டவை ஏன் பின்பற்றப்படுகிறது.? வேதங்களில் சட்டம் என்று எதுவுமே குறிப்படவில்லை. முன்பு எப்படி நீங்கள் சொன்னீர்கள் பலவிசயம் இடை சொருகல்கள் அது போல தான். வேதத்தின் சட்டத்தை இந்துகள் பின்பற்றவில்லை, சட்டம் வேறு வாழ்கை முரை வேறு. வேதம் ஆரோக்கியமாக வாழவும் அமைதியாக வாழவும் தனி மனிதனுக்கும், சமுதாயதுக்கும் கற்று கொடுக்கும் ஒரு நூல். எந்த குறிபிட்ட மததுக்கும் எழுத படவில்லை. உங்களுடைய பதில் இந்துத்துவத்தின் அடிப்படையையே உலுக்குகிறது. தயவு செய்து விபரமாக விளக்குங்கள். அறிய ஆவலாய் இருக்கிறேன். இந்துகள் (அந்த் காலத்தில் சைவர்கள், வைனவர்கள் இன்னும் பல) வேதத்திலிருந்து சில கோட்பாடுகளை பின் பற்றினார்கள் என்பது உன்மை. ஆனால் வேதம் இந்துகளுக்காக எழுதபடவில்லை. வேதம் எழுதிய போது இந்து என்ற மதமே இல்லை. இந்துத்துவா என்பதும் முழுவதாக ஒரு மதத்தை குறிப்பிடுவதல்ல, அதை பற்றியும் தவறாக புரிந்து கொண்டார்கள். சமீபத்தில் தான் சுப்ரீம் கோர்ட் அதை பற்றி விளக்கியது. இதை பற்றி ஒரு தனி திரியாக எழுத வேண்டும் என்பது என் ஆசை. இந்துத்துவா என்பது - இமயம் முதல் குமரி வரை அனைத்து மக்கள் மற்றும் விலங்கினம், இயர்கை செல்வம் அனைத்தையும் பாத்காப்பது ஆகும்.

கவலை படாதீர்கள், நிச்சயம் சர்சையான கேள்விகளும் பின்னால் வரும். (நான் கேட்பேன்)
அதன் மூலம் நீங்கள் இஸ்லாம் ஒரு அண்பு மதம் என்று நிருபிக்க முடியும். அப்பொழுது விவாதம் சுறுப்பாக இருக்கும்.

ஒன்றை மட்டும் நான் சொல்லி கொள்கிறேன் இதயம் நான் அமாம் சாமி போடுபவன் அல்ல, அது உங்களுக்கு தெரியும்.
சிவசேவகர் திரிகளில் அவரையும், தேவேந்திரரையும், உதயசூரியனையும் நான் பல இடங்களில் விமர்சித்தவன். 

சிவா.ஜி:
வாத்தியார் அவர்களே மிக மிக அழகாக விளக்கங்களை அளித்துள்ளீர்கள். இஸ்லாம் என்ற மதத்தை அறிந்துகொள்வதுதான் உங்கள் நோக்கம் என்பதை தெளிவாக கூறியுள்ளீர்கள் இதயம் அவர்களும் மிக நேர்த்தியானா முறையில் அதைப்பற்றி விளக்கங்கள் கொடுத்துக்கொண்டிருக்கிறார்.இந்த திரியை நான் முதலிலிருந்தே படித்து வந்தாலும் நீங்கள் நினைத்ததுபோலத்தான் நானும் அவரின் விளக்கங்கள் முடிந்த பிறகு சில கேள்விகளை எழுப்பலாம் என்று நினைத்திருந்தேன். ஆரம்பத்திலேயே இதயம் அவர்கள் இஸ்லாம் வாள் முனையில் பரப்பபட்டதல்ல என்று சொன்னதில் வரலாறு படித்த எனக்கு உடன்பாடு இல்லை. பழமையில் ஊறிப்போயிருந்த,ஒரே தத்துவத்தை ஆயிரம் ஆயிரம் ஆண்டுகளாய் கடைபிடித்து வந்த அந்தக்காலத்து மக்கள் விரும்பி வேறு மதத்தை ஏற்றுக்கொண்டிருக்க முடியாது. இப்போது வேறு. பகுத்தறிவு மிகுந்துவிட்ட காலம். தான் என்ன செய்கிறோம் என்பதை நன்றாக ஆலோசித்துத்தான் செய்கிறார்கள். முகலாய அரசர்கள் எல்லோருமே அப்படி இல்லை. செங்கிஸ்கான் என்ற மங்கோலிய அரசன் இப்போதுள்ள கஸக்ஸ்த்தான் என்ற நாட்டை கிறித்துவத்திலிருந்து முழுவதுமாய் எப்படி மாற்றினான் என்று சரித்திரம் சொல்கிறது.அதனால் நீங்கள் சொல்வதைப்போல இஸ்லாம் என்ற அன்பு மதம் பற்றி எந்த தவறான அபிப்பிராயமும் இல்லை. 

இதயம்:


வாத்தியார் கேள்வி, பதில்களில் என்றும் சோடை போனதில்லை. என்னுடைய கேள்விக்கு வாத்தியாரின் பதில்கள் மிகச்சிறப்பு. ஆனால், இந்த உண்மையை சிவா.ஜியைப்போல் எத்தனை நண்பர்கள் ஏற்பார்கள் என்று தெரியவில்லை. ஏற்காவிட்டாலும் உண்மை உண்மை தானே. எனவே அதைப்பற்றி நாம் விவாதிக்க வேண்டியதில்லை.

அடுத்து நான் மிகவும் எதிர்பார்த்த சிவா.ஜியின் பின்னூட்டம் கிடைத்ததில் எனக்கு மிகுந்த மகிழ்ச்சி. இதைப்போன்ற விவாதங்களும், பகிர்தலும் தான் உண்மையை வெளிக்கொணரும். அவருடைய கருத்துக்கு நான் பதிலை இடவேண்டியது என் கடமை.

Quote:

Originally Posted by சிவா.ஜி பழமையில் ஊறிப்போயிருந்த,ஒரே தத்துவத்தை ஆயிரம் ஆயிரம் ஆண்டுகளாய் கடைபிடித்து வந்த அந்தக்காலத்து மக்கள் விரும்பி வேறு மதத்தை ஏற்றுக்கொண்டிருக்க முடியாது. இப்போது வேறு. பகுத்தறிவு மிகுந்துவிட்ட காலம். தான் என்ன செய்கிறோம் என்பதை நன்றாக ஆலோசித்துத்தான் செய்கிறார்கள்.

மனிதர்களின் பகுத்தறிவு என்பது அவன் கற்காலத்தில் தீயை கண்டுபிடித்த காலத்திலேயே தொடங்கிவிட்டது. அன்றைய காலத்தில் தேவைகளைப்பற்றிய சிந்தனைகள் இல்லாததால் அவன் பகுத்தறிவில் கொஞ்சம் குறைந்திருந்திருக்கலாம். ஆனால், முட்டாளாக இருக்கவில்லை. கல் சக்கரம் தொடங்கி இன்றைய விமானம் வரை கண்டுபிடிக்க காரணமாக இருந்தது நீங்கள் சொன்ன மனிதனின் பகுத்தறிவோ, புத்திசாலித்தனமோ அடிப்படையல்ல. அவன் அந்த கண்டுபிடிப்பை செய்ய காரணமாக இருந்த தேவை (Necessity). ஒரு அறிஞர் தேவைகள் தான் கண்டுபிடிப்புகளின் தாய் (Necessity is the mother of invention) என்று சொன்னார். அது தான் உண்மை. பல நூறு ஆண்டுகளுக்கு முன் எழுதப்பட்ட திருக்குறளில் இல்லாத நல்ல விஷயங்களா..? மனிதன் பகுத்தறிவோடு தான் எப்போதும் இருக்கிறான். ஆனால், அதற்கான அவசியம் இல்லாததால் அதைப்பற்றிய சிந்தனையில்லாமல் இருந்து விடுகிறான். இந்த நிலை இன்றைய விஞ்ஞான உலகத்திலும் பகுத்தறிவின்றி நீடிப்பது தான் வேதனைக்குரிய விஷயம். உதா. கடவுள் என்ற பெயரில் மனிதன் செய்யும் அட்டகாசங்கள், அட்டூழியங்கள். பகுத்தறிவைக் கொண்டு யோசித்தால் ஒரு நிமிடத்தில் தெரிந்துவிடக்கூடிய விஷயத்தை ஏதோ ஒரு உப்புப்பெறாத விஷயத்திற்காக மாற்றிகொள்ள, திருத்திக்கொள்ள மனிதன் தயங்குகிறான். எனவே நல்வழி நடக்க தேவை பகுத்தறிவு மட்டுமல்ல, நல்லவற்றை ஒப்புக்கொள்ளும் பக்குவம்.

இஸ்லாத்தின் பலம் மாசு, மருவற்ற அதன் கொள்கைகள். பலவீனம் இஸ்லாத்தின் பெயரில் சில காலிகள் செய்யும் செயல்கள் இஸ்லாத்தின் பெயரால் சொல்லப்படுவது. அப்படித்தான் நான் நண்பர் சிவா.ஜி சொன்னதும் என்று நினைக்கிறேன். எனக்கு கஜகஸ்தான் பற்றிய வரலாறு தெரியாது. அதனால், அவர் சொல்வதை இப்போதைக்கு ஏற்றுக்கொண்டு தான் ஆக வேண்டும். ஆனால், வரலாறு தெரிந்து கொண்டு திரும்பி வருகிறேன். ஜகஸ்தானைப்பற்றி சொன்ன சிவா.ஜி நான் சொன்ன மற்ற நாடுகளைப்பற்றிய கருத்தை சொல்லவில்லை. அதற்கு காரணமாக என்ன இருக்கும் என்பதையும் சொல்ல வேண்டும்..?

இந்தியாவில் முகலாயர்கள் நினைத்திருந்தால் அனைவரையும் மதமாற்றியிருக்க முடியும். ஆனால், அவர்கள் செய்யவில்லை. அதுமட்டுமல்ல, முகலாய சக்ரவர்த்திகளில் மிக புகழ்பெற்ற அக்பர் இஸ்லாமிய மார்க்கத்தை முழுமையாக பின்பற்றவில்லை. அவர் "தீன் இலாஹி" என்ற பெயரில் ஒரு மதத்தை தோற்றுவித்தவர். அவரை ஒரு முஸ்லீம் என்று சொல்வது ஏற்புடையதல்ல. கருத்துக்களுக்கும், கேள்விகளுக்கும் நன்றி..! 


சிவா.ஜி:

நன்றி ஜாஃபர்.நான் சொல்லவந்ததும் இதைத்தான்.எல்லா முகலாய மன்னர்களும் மதம் பரப்ப வாள் எடுக்கவில்லை. மாறாக மற்ற மதத்தினரையும் மதித்து அவர்களுக்கான சலுகைகளையும் செய்து கொடுத்தனர்.இன்றளவும் மிக அற்புதமாக திகழும் இந்தொ-மொகல் கட்டிடக்கலையை அறிமுகப்படுத்தினர். அப்படி சமநோக்கு உடையவர்கள் அதிகம் இருந்ததால்தான் எல்லோரையும் மாற்றவில்லை.அந்தக்காலத்து மக்களுக்கு பகுத்தறிவே இல்லை என்று சொல்லவில்லை. மதசம்பிரதாயங்களில் தங்கள் பகுத்தறிவைக்காட்ட விரும்பவில்லை அவர்கள்.விரும்பி ஏற்றுக்கொண்டடவர்கள் ஒருகோடி பேர்கள் இருக்கலாம்.நாம் அவர்களைப்பற்றி பேசவில்லை, வாள்முனை மாற்றத்தைப்பற்றித்தான் நாம் பேசுகிறோம். ஆரோகியமான இந்த விவாதம் மிக்க மகிழ்ச்சி தருகிறது. உங்கள் எழுத்தை மிக மிக நேசிப்பவன் நான். தொடர்ந்து எழுதுங்கள்.தெரிந்துகொள்ளவேண்டியது இன்னும் பலப்பல இருக்கின்றன.  
 

 

இஸ்லாம் மார்க்கம் - ஒரு பார்வை (பகுதி-11)

இஸ்லாம் உண்மையிலேயே அமைதி மார்க்கமா..?!!

இஸ்லாம் ஒரு அமைதியான மார்க்கம், சமாதானத்தை விரும்பும் மார்க்கம். உடனே நீங்கள் கேள்வி எழுப்புவீர்கள். இஸ்லாம் உலகெங்கும் பரப்பப்பட்டதே வாள் முனையில் தான் என்று சொல்லப்படும் போது அது எப்படி அமைதியான மார்க்கமாக இருக்கும்..? சமாதானத்தை விரும்பும் மார்க்கமாக இருக்கும்..? இஸ்லாத்தின் உயரிய கொள்கைகளில் ஒன்று பட விரும்பாதவர்களால் பரப்பப்பட்ட செய்தி இது.  நான் சில விஷயங்களை இது சம்பந்தமாக சொல்ல விரும்புகிறேன். அதன் பிறகு சொல்லுங்கள் உங்கள் கருத்துக்களை.

இஸ்லாம் என்ற வார்த்தை "சலாம்" என்ற அரபி வார்த்தையிலிருந்து வந்தது. அரபி மொழியில் சலாம் என்றால் அமைதி, சமாதானம் என்று பொருள். அது மட்டுமல்ல, அதற்கு அடிபணிதல், அர்ப்பணித்தல் என்ற பொருளும் உண்டு. அதாவது இஸ்லாம் என்பது கடவுள் என்ற மகா சக்திக்கு அடிபணியும், அற்பணிப்பவர்கள் பின்பற்றும் சன்மார்க்கம் என்பது பொருள்.


உங்களுக்கு தெரியுமா..? மனித சமூகத்தில் அமைதி என்பது தானாக கிடைக்காது. சில நேரங்களில் அதற்காக சில வழிகளில் அடக்குமுறைகளை கையாள வேண்டியிருக்கிறது. இந்த உலகில் எந்த மனிதனும் அமைதியை தானாக சிந்தித்து செயல்படுத்துவதில்லை. இன்னும் சொல்லப்போனால் பெரும்பான்மையோர் மனித சமுதாயத்தில் அடுத்தவர்களுக்கு பல வகைகளில் தொந்தரவையும், கஷ்டத்தையும் உண்டாக்குபவர்களாக இருக்கிறார்கள். அப்படிப்பட்டவர்களை அடக்கி அமைதியை கொண்டு வர அடக்குமுறையை கையாள வேண்டியிருக்கிறது. அப்போது தான் தேசத்தில் அமைதியை, சமாதானத்தை தவழ விட முடிகிறது. அந்த அடிப்படையில் தான் நாம் காவல்துறையும், நீதித்துறையும் பெற்றுள்ளோம். சமாதானத்தை போதிக்கும் இஸ்லாம், அதே நேரத்தில் சமாதானத்திற்கு எதிராக ஊறு விளைவிப்பவர்களை அடக்க வேண்டும் என்று சொல்கிறது. அந்த வகையில் சமாதானத்தை, அமைதியை நிலை நாட்ட மட்டுமே அடக்குமுறை என்பது இஸ்லாத்தில் கையாளப்படுகிறது.


De Lacy O�Leary என்ற வரலாற்று ஆசிரியர் தன்னுடைய "Islam at the cross road" புத்தகத்தின் 8-வது பக்கத்தில் என்ன சொல்கிறார் தெரியுமா..? "History makes it clear however, that the legend of fanatical Muslims sweeping through the world and forcing Islam at the point of the sword upon conquered races is one of the most fantastically absurd myth that historians have ever repeated."


முஸ்லீம்கள் ஸ்பெயினை 800 வருஷங்கள் ஆண்டார்கள். ஸ்பெயினில் உள்ள முஸ்லீம்கள் ஒரு போதும் வாளின் முனையில் மற்றவர்களை மதமாற்ற ஒரு போதும் முயற்சித்ததில்லை. ஆனால் அதன் பிறகு ஸ்பெயினுக்கு வந்த கிறிஸ்துவர்கள் அங்குள்ள முஸ்லிம்களை அழிப்பதிலேய தன் நோக்கமாக கொண்டிருந்தார்கள். தொழுகைக்கு முன் அழைக்கும் பாங்கு என்ற வணக்க அழைப்பை வெளிப்படையாக செய்ய முடியாத அளவுக்கு அவர்களுடைய நடவடிக்கைகள் இருந்தன. 1400 வருடங்களாக அரபு தேசத்தின் பிரபுக்களாக முஸ்லீம்கள் இருந்தார்கள். சில காலம் அரபு தேசம் பிரிட்டிஷாராலும், ஃப்ரெஞ்சுக்காரர்களாலும் ஆளப்பட்டாலும் நீண்ட நெடுங்காலம் ஆளப்பட்டது முஸ்லீம்களால் மட்டுமே. அந்த அரபு தேசத்தில் இப்போது இருக்கும் 14 மில்லியன் மக்கள் யார் தெரியுமா..? கிறிஸ்துவர்கள் அதாவது முந்தைய கிறிஸ்துவர்களின் வாரிசு வந்தவர்கள். அந்த நேரத்தில் வாளை பயன்படுத்தி இஸ்லாத்தை பரப்பியிருந்தால் அந்த 14 மில்லியன் மக்களில் ஒருவர் கூட கிறிஸ்தவராக இருந்திருக்க மாட்டார்கள்.

உலகிலேயே அதிக முஸ்லீம்களை கொண்ட நாடு இந்தோனேஷியா. மலேஷியாவின் மக்கள் தொகையில் பெரும்பான்மையோர் முஸ்லீம்கள். மிக வேகமாக இஸ்லாம் பரவி வரும் ஒரு நாடு தென்னாப்பிரிக்கா. நான் உங்களை ஒரு கேள்வி கேட்கிறேன். எந்த இஸ்லாமிய படை இந்த நாடுகளுக்கு சென்று வாள்முனையில் இஸ்லாத்தை பரப்பியது..??

அவ்வளவு ஏன் வெளிநாடுகளைப்பற்றி பேச வேண்டும். நம் நாட்டிற்கே வருவோம். இந்தியாவை ஆயிரம் ஆண்டுகளுக்கு மேலாக ஆண்டவர்கள் முஸ்லீம்கள். அவர்கள் அப்போது நினைத்திருந்தால் தன் அதிகாரத்தை பயன்படுத்தி ஒவ்வொரு முஸ்லிம் அல்லாதவரையும் மிரட்டி, அடிபணியவைத்து முஸ்லீமாக மாற்றியிருக்க முடியும். அப்படி செய்யவில்லை. அதனால் தான் நம் நாட்டில் இப்போது 80% பேர் முஸ்லீம் அல்லாதவர்கள். இஸ்லாம் வாள் முனையில் தன் மார்க்கத்தை பரப்பவில்லை என்பதற்கு இந்த 80% மக்களைத்தவிர வேறு யார் சாட்சியாக இருக்க முடியும்..?? இஸ்லாத்தின் இந்த அபரித வளர்ச்சிக்கு காரணம் கொலை வெறி பிடித்த வாளல்ல, அது கொண்ட கொள்கை தான்..!! இஸ்லாத்தின் உயரிய கொள்கை உங்களிடம், என்னிடம், அரேபியர்களிடம் என்று யாரிடமிருந்தும் கற்க வேண்டிய அவசியமில்லை. அதன் ஆதாரமாக விளங்கும் புனித குரானிலிருந்து கற்க வேண்டும். இஸ்லாத்தின் கொள்கைகளை முஸ்லிம் அல்லாதவர்களுக்கு எடுத்துச்சொல்வது பற்றி குரான் என்ன சொல்கிறது தெரியுமா..?

உங்களுடைய இறைவனின் கருணையை கொண்டு அனைவரையும் வரவேற்று அழைத்து அழகான முறையில் அவர்களுக்கு எடுத்துச் சொல்லுங்கள். அதற்கான தர்க்கங்களில் மிகவும் சிறப்பான, கனிவான முறையில் ஈடுபடுங்கள் என்று சொல்கிறது.

1984- வெளிவந்த ரீடர்ஸ் டைஜஸ்ட் "அல்மனாக்"-ல் 1934 முதல் 1984 வரையிலான அரை நூற்றாண்டில் பெரும்பான்மையான மதங்களின் வளர்ச்சிபற்றிய ஒரு புள்ளிவிபரம் வெளியிடப்பட்டது. அதில் 235% அளவில் இஸ்லாம் அசுர வளர்ச்சி பெற்று வருவதாக குறிப்பிடப்பட்டிருந்தது. கிறிஸ்துவ மதம் அதில் 47% வளர்ச்சியாக குறிப்பிடப்பட்டிருந்தது. இந்த அரை நூற்றாண்டு கால கட்டத்தில் எந்த போர் நடைபெற்று, எந்த முஸ்லீம்களால் இத்தனை மில்லியன் கணக்கானோர் முஸ்லீம்களாக மாற்றப்பட்டனர்..? உங்களுக்கு தெரியுமா..? ஒரு நேரத்தில் இஸ்லாம், முஸ்லீம் என்றால் எதிரியைப் போல் கண்ட அமெரிக்காவில், ஐரோப்பிய தேசத்தில் இஸ்லாம் மிக வேகமாக வளரும் சமயங்களில் முதலாவதாக இருக்கிறது. அங்கு இதற்கு காரணமாக யார் வாளை பயன்படுத்தினார்கள்..?


டாக்டர் ஜோசஃப் ஆதம் பியர்சன் சொன்னார்; "நியூக்ளியர் அணு ஆயுதம் அரபுக்களின் கைகளுக்கு வந்து உலகை அவர்கள் ஆளும் நிலைக்கு வந்து விடுமோ என்று பயப்படுகிறவர்கள் ஒரு விஷயத்தை அறியவில்லை. அதை விட சக்தி வாய்ந்த ஒரு ஆயுதம் முன்பே இஸ்லாம் என்ற பெயரில் முகமது பிறந்த அன்றே கிடைத்துவிட்டது."

LOLLUVATHIYAR

திரு இதயம் அவர்களே, இஸ்லாம் மதம், குரான் அமைதி வழியில் தான் பரப்ப சொன்னதாக எழுதி இருகிறீர்கள்
அதை நான் மனமார ஏற்று கொள்கிறேன். ஆனால் இஸ்லாம் வாள் முனையில் பரவ வில்லை என்று கூறுவதை நான் ஏற்கவில்லை
(மன்னிக்கவும் உன் மனதில் உள்ள உன்மையை தான் நான் கூறினேன், இஸ்லாமியர்களை புன்படுத்த அல்ல)

ஆனாலும் நீங்கள் ஆரம்பித்த இந்த திரி இஸ்லாம் மதத்தை பற்றி நல்லவைகளை பற்றி விளக்கி செல்லும் ஒரு ஆண்மீக பயனம்.
இந்த திரியில் என் கருத்தை இட்டு அதை பற்றிய விவாதம் வளர நான் விரும்பவில்லை.
எனக்கு இந்த திரியின் நோக்கம் நிறைவேற வேண்டும். இடையில் விவாதம் செய்து இந்த புனித பயனத்தை திசை மாற்ற விரும்பவில்லை.
ஆகையால் மற்ற ஹிந்து நன்பர்களும் இந்த திரியை திசை மாராமல் பார்த்துகொள்ளுங்கள்.
நண்றி.

மேலும் சில சந்தேகம்
இஸ்லாம் சகோதரர்கள் குரானை அடிபடையாக கொண்டு வாழ்கை நடத்துகிறார்கள்
பல நாடுகளில் ஷரியத் என்ற சட்டம் தான் இஸ்லாமியர் சட்டம் என்று கேள்வி பட்டிருகிறேன்
ஷரியத் என்றால் என்ன?

ஷரியத் சட்டம் இந்தியாவிலும் உண்டா?

அது குரானோடு சம்மந்தபட்டதுதானா? இல்லை வேறு நூலா?
இதை பற்றி சற்று விளக்கவும் 


இதயம் 
ஐயா லொள்ளு வாத்தியார் அவர்களே.. இந்த திரி தொடங்க முக்கிய காரணமாக இருந்தவர் நீங்கள். நானறிந்த இஸ்லாத்தை மற்ற மாற்றுமத நண்பர்களுக்கும் எடுத்துச் சொல்ல காரணமான உங்களுக்கு நான் நன்றி சொல்ல கடமைப்பட்டிருக்கிறேன். நான் ஏற்கனவே சொன்னது போல் பெரும் பணிப்பளுவிற்கிடையில் இதை தொடங்கி எழுதி வருகிறேன். இஸ்லாம், முஸ்லீம்களைப் பற்றி மாற்றுமதத்தவர்களின் மனதில் உள்ள முரண்பாடுகளைக் களையவே நான் இதை எழுதுகிறேன்.

என்னுடைய கடைசி பதிவின் நோக்கம் இஸ்லாம் வாளின் முனையில் பரப்பப்படவில்லை என நிரூபிப்பது. அதை தகுந்த ஆதாரங்களோடு, காரணங்களோடு, மேற்கோள் காட்டி எழுதியிருக்கிறேன். அதைப்படித்த நீங்கள் என் கருத்தில் உடன்பாடில்லை எனில் அதற்கு தகுந்த ஆதாரங்களோடு, காரணங்களோடு மறுத்த கூறவேண்டும். அதில் உண்மை இருக்கும் பட்சத்தில் அதை ஏற்க வேண்டியது என் கடமை. ஆனால், அதை விடுத்து மனதை புண்படுத்தும் என்றோ, திரியின் போக்கை மாற்றும் என்று எழுதுவதில் அர்த்தமில்லை. அது என் எழுத்தையும், கருத்தையும் அவமதித்தது போலாகிவிடும். அதற்கு நீங்கள் இப்படி சொல்லாமலேயே இருந்திருக்கலாமே..!! இப்படி போகிற போக்கில் ஒரு கல்லை எடுத்து வீசிவிட்டு போகவேண்டிய அவசியமில்லையே..?!

தமிழ்மன்றத்தில் கூடும் நாமெல்லாம் நாகரிகம் அறிந்தவர்கள், நற்கல்வி கற்றவர்கள் என்று நம்புகிறேன். தவறு எங்கிருந்தாலும் சுட்டிக்காட்ட கடமைப்பட்டவர்கள். அதைவிடுத்து கண்டும் காணாமல் போவதென்பது நல்ல குடிமகனுக்கு அழகல்ல. என் கருத்தில் நீங்கள் முரண்படும் பட்சத்தில் அதற்கு ஈடான ஏற்றுக்கொள்ளத்தகுந்த எதிர்கருத்தை கூறவேண்டும் என்பது தான் நம் மன்ற நண்பர்களின் விருப்பமாக இருக்கும். நான் எழுதுவதையெல்லாம் "ஆமாம் சாமி" போட வேண்டும் என்றால் நான் இவ்வளவு எழுதவேண்டியதில்லையே..! "இஸ்லாம் தான் உலகின் உயர்ந்த சமயம்" என்று எழுதி ஒரு வாக்கியத்தோடு முடித்துக் கொள்ளலாமே..! ஆரோக்கியமான விவாதம் என்பது என்னைப்பொறுத்தவரையில் வரவேற்கத்தக்கது. விவாதம் செய்யவும், பகிர்ந்து கொள்ளவும் தான் நாம் மன்றத்திற்கு வருகிறோம். எனவே உங்கள் கருத்துக்களை தாராளமாக விளக்குங்கள். அப்படி எழுதவில்லை என்றால் என் கருத்தை ஆமோதிப்பதாக அர்த்தமாகிவிடும்.
குறிப்பு: இதைப்பற்றி மற்ற நண்பர்கள் என்ன நினைக்கிறீர்கள்..? நான் சொன்னது நியாயமா இல்லையா..?

Quote:

Originally Posted by lolluvathiyar இஸ்லாம் சகோதரர்கள் குரானை அடிபடையாக கொண்டு வாழ்கை நடத்துகிறார்கள் பல நாடுகளில் ஷரியத் என்ற சட்டம் தான் இஸ்லாமியர் சட்டம் என்று கேள்வி பட்டிருகிறேன் ஷரியத் என்றால் என்ன? ஷரியத் சட்டம் இந்தியாவிலும் உண்டா? அது குரானோடு சம்மந்தபட்டதுதானா? இல்லை வேறு நூலா? இதை பற்றி சற்று விளக்கவும்

இஸ்லாத்தில் முஸ்லீம்களை பொருத்தவரை குரான் என்பது ஒரு மார்க்க நூல் மட்டுமல்ல அல்ல. அது இறைவனால் அருளப்பட்ட இறைச்செய்தி. அந்த இறைச்செய்தியில் அடங்காத விஷயங்களே இல்லை. வாழ்க்கைக்கு தேவையான, வாழ்க்கையின் ஒவ்வொரு அங்குலத்தையும் அலசி ஆராய்ந்து அதில் உள்ள பிரச்சினைகளைச் சொல்லி, அதற்கான தீர்வுகளையும் சொல்கிறது. அதை சார்ந்து விளக்கிச் சொல்வது நபிகளாரின் வழிமுறைகள். இவை இரண்டையும் ஒன்றிணைந்தது தான் ஷரியத் என்பது. ஷரியத் என்பது ஷரியா என்ற அரபி மொழியில் இருந்து வந்தது. ஷரியா என்ற அரபிச்சொல்லுக்கு அனுமதிக்கப்பட்டது என்று பொருள். ஒரு மனிதன் எதைச்செய்ய வேண்டும், செய்யக்கூடாது என்பதை அதன் ஆதாரம், வழிமுறை, விளைவுகளின் அடிப்படையில் ஆராய்ந்து சொல்லப்பட்ட சட்டதிட்டங்கள் ஷரியத் எனப்படுகிறது.

ஷரியத் சட்டத்தை இந்தியாவில் மட்டுமல்ல, உலகிலுள்ள அனைத்து முஸ்லீம்களும் பின்பற்றுகிறார்கள். ஏற்கனவே நான் சொன்னது போல் முஸ்லீம்களைப் பொருத்தவரை குரான் உலகப்பொதுமறை. அது நாட்டுக்கு, மொழிக்கு, இனத்திற்கு தகுந்தாற்போல் மாறுபடுவதில்லை.

இஸ்லாம் மார்க்கம் - ஒரு பார்வை (பகுதி-10)

எல்லாம் அறிந்த ஆண்டவனுக்கு இஸ்லாத்தில் ஏன் தொழுகை அரபியில் மட்டும் நடத்தப்படுகிறது..? 

தொடர்ந்து சொல்வதற்கு முன் ஒன்றைச் சொல்ல விரும்புகிறேன். நான் ஒரு வளைவு நெளிவில்லாத ஒரு கோட்டை தாளில் வரைந்து உங்களிடம் தந்து அதைப்பார்த்து அதே போல் இன்னொரு கோட்டை மற்றொரு தாளில் வரைந்து தரவேண்டும் என்று சொல்கிறேன். அதையே நீங்களும் அடுத்தவருக்கு சொல்லவேண்டும். இப்படி ஒவ்வொருவரிடம் கைமாறி வரையப்பட்ட கோடு ஒரு குறிப்பிட்ட எண்ணிக்கைக்கு பிறகு பார்த்தால் அந்த கோடு நான் ஆரம்பத்தில் வரைந்த கோடுபோல் இல்லாமல் வளைவு நெளிவுகளுடன் முதல் நேர்க்கோட்டிற்கு கொஞ்சம் கூட சம்பந்தம் இல்லாமல் இருக்கும். இந்த நிலை தான் இப்போதுள்ள நிறைய மத நூல்களுக்கு. நான் பெயர் குறிப்பிட்டு எதையும் சொல்லவிரும்பவில்லை. சமயத்தின் மூலமாக இருக்கும் முதல் நூல் அதன் பிறகு காலம் செல்ல, செல்ல அந்த காலத்திற்கு ஏற்றார்போல் திருத்தியமைக்கப்படுகிறது. இடைச்செருகல்கள் செய்யப்படுகின்றன. முக்காலமும் அறிந்த இறைவனால் அளிக்கப்படும் ஒரு நூல் முன் காலத்திற்கு பொருந்தியும் தற்காலத்திற்கு பொருந்தாமலும் நிச்சயம் இருக்கவே முடியாது. அப்படி இருந்தால் அது இறைவனால் வழங்கப்பட்டதாக இருக்கவே முடியாது. அது மனிதர்களின் சிந்தனையில் உருவாக்கப்பட்டது என்பதும் தெளிவாகிறது.

இஸ்லாத்தைப் பொறுத்தவரை இறைவன் எப்பொழுதும் தன்னை அரபி மொழி கொண்டு வணங்க வேண்டும் என்று தெரிவித்ததே கிடையாது. காரணம், மொழிப்பிரச்சினை கடவுளுக்கு கிடையாது. ஆனால், இது இறைவனின் வாக்கு தான் குரான் என்பதை நிரூபிக்க நபிகள் சொன்ன வழிகாட்டுதல் தான் அரபி மொழி தொழுகை என்பது. குழப்புகிறதா..? விளக்கமாக சொல்கிறேன் கேளுங்கள். முஸ்லீம்களின் தொழுகையில் சொல்லப்படும் அனைத்து அரபுச்சொற்றொடர்களும் குரானின் உள்ள இறைவசனங்கள் மட்டுமே. இறைவேதத்தில் கலப்படம், திருத்தம் ஏற்படுவதை தடுக்க நபிகள் சொன்ன வழி முறை இது. இந்த மொழி நிபந்தனை மட்டும் இல்லையென்றால் குரான் இன்று நாடு, மொழி, இன வாரியாக இஸ்லாமிய மக்களாலாயே குதறப்பட்டு, அதிலுள்ள மூலமான இறைவனின் செய்தி மறைக்கப்பட்டு மனிதர்களின் சிந்தனைகள் திணிக்கப்பட்டிருக்கும், இடைச்செறுகல் செய்யப்பட்டிருக்கும். ஆனால், இந்த நிபந்தனையால் தான் குரான் 1400 ஆண்டுகளுக்கு முன் இறைவனால் எப்படி அருளப்பட்டதோ அப்படியே, அதன் பொருள் மாறாமல் ஏன், அதன் ஒரு எழுத்துக்கூட மாறாமல் அப்படியே இருக்கிறது. காரணம், தொழுகையின் மூலம் குரானின் மூலமான ஒவ்வொரு அரபி மொழி வசனங்களும் தினமும் 5 வேளை தொழுகையினால் முஸ்லீம்களின் இதயங்களில் செதுக்கப்பட்டுள்ளது. யாரும் தங்கள் இஷ்டப்பட்டி அதை மாற்றமுடியாது. தொழுகை வசனங்கள் வேண்டுமானால் அவை அரபி மொழியில் இருக்கலாம். ஆனால் வணங்கும் போது ஒவ்வொருவரும் தன்னுடைய மொழியை மனதில் கொண்டே தன் வணக்கத்தையும் வேண்டுதலையும் செய்வார்கள். அதனால், அதில் எந்த கஷ்டமோ, சிரமமோ இருக்காது. இறைவனுடைய கட்டளைகள் கொண்டு தொகுக்கப்பட்ட முதல் குரான் தொகுப்பு பிரதி இன்றும் துருக்கி நாட்டின் இஸ்தான்புல் நகரில் பாதுகாக்கப்பட்டு வருகிறது. நீங்கள் எங்கு, யாரிடம் உள்ள குரானை வேண்டுமானாலும் வாங்கி, அதனுடன் துருக்கியில் பாதுக்காக்கப்பட்டு வரும் உலகின் முதல் குரானோடு ஒப்பிட்டால் அதில் எழுதப்பட்டுள்ளவற்றுள் ஒரு வேறுபாட்டையும் காணமுடியாது.

அது மட்டுமல்லாமல், அரபு மொழிக்கே உரிய இனிமை குரானை அம்மொழியில் தொழுகையினை நடத்தும் போது அழகினையும், இனிமையையும் தருவது என்பது மறுக்க இயலாத ஒரு விஷயம். அரபு மொழிக்கு மற்றொரு சிறப்பியல்பும் உண்டு. அதாவது குறிப்பிட்ட அரபு வார்த்தைகளை மற்றொரு மொழியில் ஒரே வார்த்தையில் மொழி பெயர்க்க முடியாத அளவுக்கு நிறைய அர்த்தங்கள் இருக்கும். அதை மொழிபெயர்க்கும் போது சில சொற்றொடர் கொண்டு அதைவிளக்க வேண்டியிருக்கும். அப்படிப்பட்ட அர்த்தம் மிகுந்த மொழியை மாற்றாமல், அதே மொழியை கொண்டு பயன்படுத்தினால் தான் அதன் உள்ளே உள்ள அர்த்ததின் பயனை அடைய முடியும். அரபு மொழியில் தொழுகையின் வசனங்கள் இருந்தாலும் அதை அப்படியே மூளைச்சலவை செய்தது போல் மனப்பாடம் செய்து ஒப்புவிக்கக்கூடாது என்று தான் குரான், உலகின் எல்லா மொழிகளிலும் மொழிப்பெயர்க்கப்பட்டுள்ளது. அதைப்படித்து அதிலுள்ள கருத்துக்களை புரிந்தே தொழுகை முதற்கொண்டு எதையும் செய்ய வேண்டும் என்பதே இஸ்லாம் சொல்லும் வழி முறை. குரானுக்கு மட்டுமே அதன் தனித்தன்மையை பாதுகாக்கும் பொருட்டு இந்த நிபந்தனை, ஹதீஸ் என்னும் நபிகளாரின் வழிமுறைகளுக்கல்ல..!!






LOLLUVAATHIYAR:
அரபு மொழியில் தொழுகை நடத்துவதை பற்றிய விளக்க அருமை இதயம்.
உங்கள் விளக்கம் எங்களுக்கு உன்மையில் எங்கள் மதத்தை பற்றி கூட சில உன்மைகள் புரியவைத்து விட்டது.
குறிப்பாக இந்த வாக்கியம்

Quote:

Originally Posted by இதயம் சமயத்தின் மூலமாக இருக்கும் முதல் நூல் அதன் பிறகு காலம் செல்ல, செல்ல அந்த காலத்திற்கு ஏற்றார்போல் திருத்தியமைக்கப்படுகிறது. இடைச்செருகல்கள் செய்யப்படுகின்றன. .

இதே நிலை தான் ஹிந்து மத நூல்களுக்கும் வந்து விட்டது
சமஸ்கிருத்தத்திலிருந்து பொழி பெயர்க்க பட்ட போது இடைசொர்கள் புகுத்தி விட பட்டது.
நீங்கள் சொன்ன இதே காரனத்துக்காக தான் சமஸ்கிருத்ததில் பூஜைகள் என்று உலகம் பூராவும்
இருந்திருக்கலாம் என்று எனக்கு தோண்றுகிறது. உங்கள் விளகத்துக்கு நண்றி

இஸ்லாம் மார்க்கம் - ஒரு பார்வை (பகுதி-09)

இஸ்லாமின் அடிப்படை கொள்கைகள் என்னென்ன..? அதன் அவசியம் என்ன..?
 
இஸ்லாத்தினை தாங்கி நிற்பது 5 தூண்கள். அவை..

1. ஒன்றே கடவுள், முகமது நபி அவர்கள் கடவுளின் இறுதித் தூதர் என்ற நம்பிக்கை
2. தொழுகை
3. நோன்பு
4. ஈகை
5. மக்கா புனிதப்பயணம்.

தொழுகை என்றால் என்ன..? அது ஏன்..?

இஸ்லாத்தின் கொள்கையை பொறுத்தவரை இவ்வுலகில் எல்லாவற்றிற்கும் பெரிய மகா சக்தி ஒன்று இருக்கிறது. அது தான் கடவுள். அவன் தான் இவ்வுலகம், அதில் உள்ள ஜீவராசிகள், உலகம் தாண்டிய அண்டவெளி, சூரியன், சந்திரன் நட்சத்திரம் எல்லாவற்றையும் படைத்து கட்டுப்பாட்டில் வைத்திருப்பவன். அப்படிப்பட்ட இறைவன் தன் படைப்புக்களில் சிறந்த படைப்பாக சொல்வது மனித இனத்தை. காரணம், அவனுடைய பகுத்தறிவு. மனிதனின் இந்த உலக வாழ்க்கை மிகச்சிறியது. அவன் மரணத்திற்கு பிறகு முடிவில்லாத ஒரு வாழ்க்கை அவனுக்கு இருக்கிறது. அங்கு அவனுக்கு இந்த உலகத்தில் அவன் செய்த நன்மை தீமைகளை வைத்து அவனுக்கு இன்பம் நிறைந்த சொர்க்க வாழ்க்கையோ, துன்பம் நிறைந்த நரகமோ கிடைக்கும் என்பது இஸ்லாமிய நம்பிக்கை. அந்த நம்பிக்கையின் அடிப்படையில் மனிதர்கள் நற்கருமங்களை செய்ய முனைய வேண்டும். மனிதன் தனக்கு கிடைத்த பகுத்தறிவை கொண்டு கடவுளின் கருணை உள்ளத்தை நினைத்து இவ்வுலகில் கிடைத்த வாழ்க்கைக்கு நன்றியும், மரணத்திற்கு பிறகு கிடைக்க வேண்டிய சொர்க்கத்திற்காகவும் செய்கிற ஊழியம் தான் தொழுகை. பொதுவாக ஊழியம் செய்பவருக்கு கஷ்டத்தையும், பெருபவருக்கு இன்பமும் கொடுக்கும். ஆனால், தொழுகையை பொறுத்தவரை இரு தரப்பினரும் பயனடையலாம். அந்த வகையில் ஒரு மனிதன் தன் வாழ்நாளில் பகுத்தறியும் பருவம் முதல் உடல் ஒத்துழைக்கும் காலம் வரை தினம் ஐந்து தடவைகள் தொழ வேண்டும். இது ஒவ்வொரு மனிதனின் அத்தியாவசிய கடமையாகும். அந்த கடமையை நிறைவேற்றமும் ஒழுங்குகள் நிறைய இருக்கின்றன.

தூய மனம்
தூய உடல்
தூய உடை ஆகியவற்றுடன் தொழுகையில் ஈடுபட வேண்டும். தொழுகை சிலருக்கு விதிவிலக்காக சொல்லப்பட்டுள்ளது. குழந்தைகள், நீண்ட பயணம் செய்பவர்கள், நோயாளிகள், கர்ப்பிணிகள், மாதவிலக்கு பெண்கள், உடல் ஒத்துழைக்கா முதியவர்கள் ஆகியோர் தொழ தேவையில்லை. இவர்களை தவிர்த்து மற்ற அனைவருக்கும் கடமையாக்கப்பட்டுள்ளது. வெள்ளிக்கிழமை மட்டும் மதியநேர தொழுகை சிறப்பு தொழுகை அங்கீகாரம் பெற்றிருப்பதால் அதன் சிறப்பும், தொழுபவர்களின் கூடுதல் எண்ணிக்கையும், சிறப்பு உரையும் இருக்கும். அரபியில் வெள்ளிக்கிழமை என்பது ஜும்மா என்பதால் அதற்கு ஜும்மா தொழுகை என்று பெயர்.

தொழுகையின் செயல்பாடுகள் அனைத்தும் அரபு மொழியில் இருக்கும். இவ்வுலகை படைத்து பரிபாலிக்கும் கடவுளுக்கு ஏன் அரபி மொழியில் வழிபாடு என்பது உங்கள் கேள்வி சரிதானே..? நீங்கள் சொல்வது உண்மை தான். நமக்கு தான் மொழி பிரச்சினை, நம்மை படைத்த கடவுளுக்கல்ல. பிறகு ஏன் அரபு மொழியில்..? காரணம் இருக்கிறது. இறைவன் மனித குலத்திற்கு தன் செய்தியைச் சொல்ல பல தூதுவர்களை அனுப்பியிருக்கிறான். உலகில் உள்ள ஒவ்வொரு மொழியிலும் ஒவ்வொரு தூதுவரை அனுப்பியதாக திருக்குரான் சொல்கிறது. எழுதப்படிக்க தெரியாத, நாகரீகம் இல்லாமல் காட்டுமிராண்டிகளை போல் மனிதர்கள் வாழ்ந்த அரேபியாவில் எழுதப்படிக்க தெரியாத முகமது நபிகளின் மூலமாக தன் செய்திகளைச் சொல்லித்தான் இஸ்லாத்தை இறைவன் நிறைவு செய்தான். இருந்தாலும் அரபு மொழியில் மட்டும் தொழுகை ஏன்..?

நேரமின்மையால் இப்போது நிறுத்திக் கொள்கிறேன். கேள்விகள் குறித்த பதில்கள் தொடர்ந்து கிடைக்கும்.

LOLLUVAATHIYAR:
இப்படி தெளிவாக விளக்கும் போது எங்கள் மத நம்பிக்களும் எங்களுக்கு புரிகிறது ஜாபர்.
இஸ்லாம் பற்றி உங்கள் பதிவை படிக்கும் போது உங்கள் மதத்தை புரிந்து கொள்வது மட்டுமல்ல
அனைத்து மதத்திலும் ஒன்றே சொல்ல பட்டிருக்கு என்று தெளிவாக புரிகிறது 


 ஜெயாஸ்தா:

Quote:

Originally Posted by அக்னி முஸ்லீம்கள், மாமிசம் உண்பதானால் அல்லது வாங்குவதானால், முஸ்லீம் கடைகளைத் தேடிப் போவதுண்டு. வேறு இடங்களில் உண்பதும் பெரும்பாலும் இல்லை. இது வெளிநாடுகளில் கூட காணக்கூடியதாயுள்ளது. ஏன்?

நண்பர் லொள்ளுவின் கேள்விகளுக்கு சிறப்பான முறையில் பதிலளிக்கும் நண்பர் இதயத்திற்கு என் வாழ்த்துக்கள்.

மேற் கண்ட அக்னியின் கேள்விக்கான பதிலில் ஒரு விஞ்ஞான விளக்கமும் புதைந்துள்ளது. பெரும்பாலும் விலங்குகளில் இருந்து பரவக்கூடிய நோய்கள் அதன் இரத்தத்திலிருந்து பரவுகிறது என்பது அறிவியல் ரீதியான உண்மை. அதனால்தான் இஸ்லாம் பிராணிகளின் ரத்தத்தை சாப்பிடுவதை அனுமதிக்கவில்லை. உதரணமாக ஒரு ஆடு வெட்டப்பட்டுவதை விட அறுக்கப்படுவதே சிறந்தது. என்ன காரணமென்றால், வெட்டப்பட்ட ஆட்டின் ரத்தம் முழுவதுமாக வெளியேறாமால் அப்படியே உள்ளேயே உறைந்து இருந்துவிடுகிறது. அதனால் அந்த ரத்தத்திலுள்ள கிருமிகள் அந்த ஆட்டின் இறைச்சியில் கலந்துவிடும் அபாயம் உண்டு. ஆனால் அறுக்கப்படும்போது, ஆட்டின் இரத்தம் முழுமையாக வெளியாகிவிடும். இஸ்லாமியர் கடைகளில் இந்தமுறை கண்டிப்பாக பின்பற்றுகிறார்கள். அது மட்டுமல்லாமல் நண்பர்கள் சொன்ன மாதிரி மாற்றுமத நண்பர்களும் இதே முறையை பின்பற்றுகிறார்கள். எங்கள் ஊர்பகுதிகளில் 'சிக்கன் கார்னர்' கடைகளில் 'ஹலால் செய்யப்பட்டது' என்று போர்டு வைத்துள்ளார்கள்.

இஸ்லாம் மார்க்கம் - ஒரு பார்வை (பகுதி-08)

ஒரு பெண்ணுக்கு ஒன்றுக்கு மேற்பட்ட கணவர்கள் இருப்பதை இஸ்லாம் தடை செய்வதின் விஞ்ஞான நோக்கத்தை காண்போம். அறிவியல் கண்டுபிடிப்பின் படி எயிட்ஸ் உள்ளிட்ட பாலியல் நோய்களுக்கான ஊற்றுக்கண்ணாக இருப்பது முறைகேடான உறவு என்பது விஞ்ஞான ரீதியாக நிரூபிக்கப்பட்டுவிட்டது. அதாவது மனைவி அல்லாது இன்னொரு பெண்ணுடன் உறவு கொள்ளுதல். அந்த பெண்ணும் இன்னும் பல ஆணுடன் உறவு வைத்திருப்பாள் என்பது சொல்லவேண்டிய அவசியம் இல்லை. இந்த நிலை பாலியல் நோயை ஏற்படுத்தும் பட்சத்தில் பலரிடம் உறவு கொள்ளும் விபசாரிக்கும், ஒன்றுக்கு மேற்பட்ட கணவர்களிடம் உறவு கொள்ளும் மனைவிக்கும் பெரும் வித்தியாசம் இருக்காது. அவர்கள் செய்வது சமூகத்தினால் அங்கீகரிக்கப்பட்டது என்றாலும் கூட நடைமுறையில் ஒத்துவராத விஷயமிது. காரணம், அவர்கள் உடல் ரீதியாகவே அப்படிப்பட்ட நிலையை பெற்றுள்ளார்கள்.

அது மட்டுமல்ல, அவனே அவனுக்கென்று கிளி மாதிரி மனைவி இருந்தாலும் குரங்கு மாதிரி சின்னவீடு வைத்துக்கொள்ளும் இந்த உலகத்தில் ஒன்று மேற்பட்டவர்கள் பகிர்ந்து கொள்ளும் ஒரே ஒரு மனைவியின் மீது மற்ற கணவர்களுக்கு அன்பும், காதலும், ஈடுபாடும் இருக்காது. அவன் மனைவியை விடுத்து பிற பெண்களிடம் உறவு கொண்டு அவன் பாலியல் நோயை பெற்று அதை அவன் மனைவிக்கு கொடுத்து, அவள் மற்ற கணவர்களுக்கு கொடுத்து, மற்ற கணவர்கள் உறவு கொள்ளும் மற்ற பெண்களுக்கு கொடுத்து இந்த நோய் பரவி உலகமே பாலியல் நோயால் பீடிக்கப்படும். ஆனால், ஒரே கணவரிடம் உறவு கொள்ளும் பெண்களுக்கு இந்த அபாயம் இல்லை. அதுமட்டுமல்லாமல், ஒரே ஒரு மனைவி இருக்கும் பட்சத்தில் ஆண்களுக்கே உரிய அதிகாரம், ஆளுமை குணம் கணவர்களுக்குள் போட்டி பொறாமையை ஏற்படுத்தி, பிரச்சினையை பெரிதாக்கி அதனால் ஏற்படும் விளைவு மிக மோசமானதாக இருக்கும்.

சரி.. அப்படியானால் இதன் மூலம் இஸ்லாம் பலதார மணம் செய்ய எல்லோரையும் ஊக்கப்படுத்துகிறதா..? நிச்சயம் இல்லை. ஒரு பிரச்சினையின் தீர்வாக விவாகரத்து, அதனால் பெண்ணின் வாழ்க்கை இழப்பு, விபசாரம், நோய் என்று போகாமல் சுமுகமாக, சுகமாக வாழ இஸ்லாம் சொல்லித்தரும் வழி இது. இஸ்லாத்தில் இந்ததபல தார மணம் அனுமதிக்கப்பட்டுள்ளது குறித்து இவ்வளவு விமர்சிக்கப்படுகிறதே.. நீங்களே சொல்லுங்கள். இந்தியாவின் மக்கள் தொகை தொகையில் எல்லா மதத்தினரின் சதவீதத்தில் பல தார மணம் செய்த முஸ்லீம்களின் சதவீதம் எவ்வளவு..? மற்ற மதத்தினரைவிட குறைவாக இருப்பார்கள். காரணம், கடுமையான நிபந்தனைகளும், வழி முறைகளும். அது மட்டுமல்ல, ஒன்றுக்கு மேற்பட்ட மனைவி என்பது அத்தனை சாதாரண விஷயமல்ல. அதற்கான மன பலம், உடல்பலம், பொருள் பலம் அவசியம் வேண்டும்.

நமக்கு ஒரு மனைவியுடன் வாழ்க்கை தள்ளுவதற்கே நாக்கு தள்ளுகிறது..!! நம் முதல்வருக்கு 2 மனைவிகள். ஆனால், அவர் முஸ்லீம் இல்லை. அவரை சமுதாயம் ஒதுக்கவில்லை. அவர்களுக்குள் பிரச்சினையும் இல்லை. எனக்கு ஒரே ஒரு மனைவி தான். என்னால் பலதார மணத்தை என் விஷயத்தில் ஏற்கமுடியாது. ஏனென்றால் அதற்கான காரணகாரியங்கள் எங்கள் இருவருக்கும் இல்லாததால் அதன் அவசியம் இல்லை. அவசியம் உள்ளவர்கள் தீர்விற்காக அதை செய்வதில் தவறில்லை. அது வழிகெட்டு வாழ்க்கையை சீரழித்துக் கொள்வதைக்காட்டிலும் பல மடங்கு சிறந்தது. கடைசியாக, பலதார மணத்தின் அவசியத்தை நிர்ணயிப்பவை நம் மதமல்ல. அவற்றை சம்பந்தப்பட்டவர்களின் தேவை, புரிதல், அனுசரித்தல், பகிர்தல் ஆகியவை தான் நிர்ணயிக்கின்றன. 

Quote:

Originally Posted by ஆதவா அருமை ஜாபர் இதயம்.... சில கேள்விகளுக்கு சரியான பதிலடி பதில்கள் கொடுத்து சிறப்பாக நடத்திச்செல்லுகிறீர்கள்... மனைவி சம்பந்த கேள்விகள் எனக்கு ஒரு பாடம்..... கீழ்கண்ட வாசகம் நான் சிறு வயதில் எனது அப்பாவின் அலுவலகத்திற்கருகே உள்ள மசூதியில் படித்தது... அதற்கு விளக்கம் சொல்லமுடியுமா? மஸ்ஜிதே அஹமத் மதரஸா கைரூல் உலூம்.. தக்லே சுன்னத் தக்னி ஜமாத்.... இது மிகவும் சிறு வயதில் ஆழமாக பதிந்திட்ட வாக்கியம்... அர்த்தம் மட்டும் தெரியவில்லை... சொல்லுங்கள்....

ஆதவனுக்கு நன்றிகள்..! நான் எழுதுவதை படிப்பதன் மூலம் மாற்றுமத நண்பர்களுக்கு இஸ்லாம் பற்றிய தவறான கண்ணோட்டம் ஒரு சிறு அளவேனும் களையப்பட்டால் அதுவே என் மீதான கடவுளின் அன்பிற்கு தொடக்கமுமாக, நான் எழுதும் இந்த கட்டுரைக்கு கிடைத்த வெற்றியுமாக இருக்கும்.
மஸ்ஜித் அஹமத் - அரபு மொழியில் மஸ்ஜித் என்பது நான் முன்பே சொன்னது போல் வழிபடும் இடம் அதாவது மசூதி எனப்படும். அஹமத் என்பது ஒரு பெயர். எப்படி நம் ஊரில் பிரகதீஸ்வரர் கோவில் என்று கடவுளின் பெயர் கொண்டு அழைக்கப்படுகிறதோ, அதே போல் இஸ்லாமிய வரலாற்றில் பெரும் புகழ்பெற்றவர்களின் பெயரையோ, அல்லது அழகிய இஸ்லாமிய பெயரையோ கொண்டு அழைப்பது வழக்கம். தெற்கு தெரு மசூதி, வடக்குத்தெரு மசூதி என்று அழைக்காமல் அஹமத் மசூதி, முகமது மசூதி என்பது சிறப்பு என்பது என் கருத்து.

மதரஸா கைரூல் உலூம் - அரபு மொழியில் மத்ரஸா என்றால் கல்விக்கற்கும் கல்விக்கூடம். அரபு நாடுகளில் கல்வி கற்கும் இடம் (School) மத்ரஸா எனப்படும். ஆனால், நம் ஊரில் இஸ்லாம் மார்க்க கல்வியை கற்றுத்தரும் இடம் மத்ரஸா என்று அழைப்பது வழக்கம். அந்த மத்ரஸாவின் பெயர் தான் கைரூல் உலூம்.

தக்லே சுன்னத் தக்னி ஜமாத் - முஸ்லீம்களில் சாதி பிரிவினைகள் இல்லயென்பது உங்கள் எல்லோருக்கும் தெரியும். அதே நேரம் இருக்குமோ என்று ஒரு தோற்றம் ஏற்படுத்த மொழி, தேசம், கலாச்சார விஷயங்கள் காரணமாக இருக்கின்றன. உதாரணத்திற்கு தமிழ் முஸ்லீம், உருது முஸ்லீம், தக்னி முஸ்லீம் என்பது. அரபியில் ஜமாத் என்றால் ஒன்று கூடுதல் என்று பொருள். மசூதியில் அனைவரும் ஒன்றாக தொழுவதை ஜமாத் தொழுகை என்பார்கள். ஊர் பொதுமக்கள் திருமணத்திற்கு வந்தார்கள் என்பதை ஜமாத் வந்தது, ஜமாத்தாக வந்தார்கள் என்றும் சொல்வார்கள். ஒரு சிறு ஊர் இருந்தால் அங்கு அறிஞர் அண்ணா நற்பணி மன்றம், எம்ஜியார் தொழிலாளர் கூட்டமைப்பு என்று இருக்கும். அது அவர்களின் செயல் அடிப்படையில், தொழில் அடிப்படையில் செயல்படும் கூட்டமைப்புகள். இதற்கும் மதத்திற்கும் எந்த சம்பந்தமும் இருக்காது. அது போல தக்காண பீடபூமி பகுதியைச் சார்ந்த சில தென்மாநில மக்கள் தங்களுக்குள் ஒரு கூட்டமைப்பை உருவாக்கியுள்ளார்கள். அவர்கள் தக்னி முஸ்லீம்கள் என்று அழைக்கப்படுகிறார்கள். அவர்கள் தக்லே என்ற பெயரில் உண்டாக்கிய ஒரு கூட்டமைப்பு தான் தக்லே சுன்னத் தக்னி ஜமாத். நான் இந்த பெயரை இதுவரை கேள்விப்பட்டது கூட கிடையாது. ஆராய்ந்ததில் கிடைத்த ஆதாரங்கள் இவை. நான் ஏற்கனவே சொன்னது போல் இதற்கும் இஸ்லாத்திற்கும் சம்பந்தம் கிடையாது. இவர்கள் அனைவருக்கும் ஒரே இறை.. ஒரே திருமறை.. ஒரே வழிமுறை..!!  

ஆதவா:
 எல்லாவற்றையும் நன்றாக கருத்தூன்றி படித்தேன் இதயம்... எனது அப்பா அலுவலகத்திலருகே இருக்கும் மசூதியில் காலையில் சிறு பிள்ளைகள் உருது படிக்க வருவார்கள்... உருதுவா என்று எனக்குத் தெரியாது.... எனினும் உங்கள் பதில்கள் நெஞ்சைக் கவருகின்றன... மேலும் தொடர் சிறப்பாகச் செல்லவேண்டும்..... வாழ்த்துக்கள்...

இதன்படி தொடர்ந்ததற்கு 500 பணம் அன்பளிப்பாக.... 




LOLLUVAATHIYAR:
ஜாபர் உங்கள் மதத்தை பற்றி நிறைய தகவல்கள் தந்திருகிறீர்கள்.
உங்கள் சேவைக்கு நிச்சயம் அல்லாவில் அருள் கிட்டும்
தொழுகை அரபு மொழியில் மட்டும் தான் இருக்கிறதா?

அரபு மொழி அனைத்து முஸ்லீம்களுக்கும் தெரியுமா? (எழுத படிக்க)
(இல்லை அது சமஸ்கிருதம் பொழி போல சிலருக்கு மட்டும் தான் தெரியுமா)

முஸ்லீம்களின் தாய் மொழி அரபுவா? உருதுவா?

உருது படிக்காத முஸ்லீம்கலுக்கும் தெரியுமா?

இஸ்லாம் மார்க்கம் - ஒரு பார்வை (பகுதி-07)

இஸ்லாமிய மார்க்கத்தில் ஏன் பலதார மணம் செய்ய அனுமதி? 

அருமையான கேள்வியைக் கேட்ட அக்னிக்கு என் நன்றிகளும் பாராட்டுக்கள். காரணம் இஸ்லாத்தை குறை கூறுபவர்கள் வீசும் குற்றச்சாட்டு ஏவுகணையில் இந்த கேள்வியும் உண்டு.

திருமணம் என்பது நம் வாழ்க்கைக்கு மிகவும் இன்றியமையாதது. ஒரு மனிதனின் வாழ்க்கையில் பெரும்பாலும் மாற்றமும் வளர்ச்சியும் ஏற்படுவது திருமணத்திற்கு பிறகு தான். எவ்வளவு மோசமானவனாக இருந்தாலும் அவர் திருந்தி சீரான வாழ்க்கைப்பாதையில் பயணிக்கத்தொடங்குவது மனைவி என்ற உறவு கிடைத்த பிறகு தான். அத்தனை சிறப்புடைய திருமணம் பற்றியும், திருமணம் என்றால் என்ன, கணவன் மனைவி எப்படி இருக்க வேண்டும்? இஸ்லாம் திருமணம் குறித்து சொல்லும் நடைமுறைகளை சுருக்கமாக பார்க்கலாம்.

இஸ்லாம் சொல்லும் திருமணம் என்றால் என்ன?

பொதுவாக திருமணம் என்பது ஒரு ஆணும், பெண்ணும் உள்ளம், உடலால் இணைந்து வாழ ஏற்படுத்தப்பட்ட ஒரு சடங்கு என்று தான் நாம் அறிந்து வைத்திருக்கும். ஆனால், இஸ்லாத்தின் பார்வையில் திருமணம் என்பது இரு தரப்பினரின் சம்பந்தத்துடன் செய்யப்படும் ஒரு கண்ணியத்திற்குரிய வாழ்வியல் ஒப்பந்தம். இந்தியாவைப் பொறுத்தவரையில் முஸ்லீம்களுக்கான தனி திருமணச்சட்டங்கள் இருக்கின்றன. அது முஸ்லீம்களின் நடைமுறைகளில் என்றும் தலையிட்டதில்லை. மதச்சார்பின்மையை இதன் மூலமும் இந்தியா நிரூபிக்கிறது. இஸ்லாமிய திருமணத்திற்கு மணமக்கள் சம்மதம், இரு வீட்டார் ஒப்புதல், சாட்சிகள், ஜமாத்தார்கள் எனப்படும் ஊர் பொதுமக்கள் மிக மிக அவசியம். குறிப்பாக பெண் தரப்பில் பெண்ணின் தந்தை, சகோதரர்கள் அல்லது அதற்கு சமமான பாதுகாவலர்களின் ஒப்புதல் கூடுதல் முக்கியத்துவம் கொடுக்கப்படுகிறது. இவர்கள் இல்லாத திருமணம் செல்லாது. இந்த முறை மூலம் பெண்ணை ஏமாற்றி திருமணம் செய்து கைவிடும் சில காவாலிகளிலிடமிருந்து பெண்ணிணம் காப்பாற்றப்படுகிறது.

திருமணத்தின் போது மணமக்கள் இருவரின் சம்மதம் வாய்மொழியாக கேட்கப்பட்டு, அது பதிவுசெய்யப்பட்டு கையெழுத்தும் வாங்கப்படுகிறது. பொதுவாக இஸ்லாத்தில் காதல் (!!) மணமென்பது மிகவும் குறைவு. காரணம், காதல் என்ற பெயரில் காம களியாட்டங்கள் நிகழ்த்தி, அதன் விளைவாக கர்ப்பமாக்கி அந்த பெண்ணை கைவிடுவது என்பது சகஜமான ஒன்று. ஆனால், இஸ்லாம் காதலுக்கு எதிரியில்லை. உடல் உணர்ச்சியை அடிப்படையாக கொண்டு கொள்ளப்படும் அன்பை இஸ்லாம் வன்மையாக கண்டிக்கிறது. உதாரணத்திற்கு பருவமடைந்த ஒரு பெண் வேற்று ஆணை தனிமையை சந்திக்கக்கூடாது. அப்படி சந்திக்கும் போது அங்கு 3 பேர் இருப்பார்கள். 1. ஆண் 2. பெண். 3. அவர்களை தவறு செய்ய வைத்து வழி கெடுக்க தூண்டும் ஷைத்தான். ஒரு பெண்ணை மணக்க தேர்ந்தெடுக்கும் போது இஸ்லாம் சொல்லித்தரும் வழி. 1. இறைவனின் மார்க்கத்தில் சிறந்தவள் 2. ஒழுக்கத்தில் சிறந்தவள் 3. குடும்ப பாரம்பரியத்தில் சிறந்தவள் 4. கல்வியில் சிறந்தவள் 5. அழகில் சிறந்தவள், 6. செல்வத்தில் சிறந்தவள். இஸ்லாம் பணத்திற்கு கடைசி இடத்தை கொடுக்கிறது. தனக்கான இணையை தேர்ந்தெடுக்கவும், நிராகரிக்கவும் ஆணுக்கு நிகராக பெண்ணுக்கும் உரிமை வழங்கப்படுகிறது.

இஸ்லாத்தில் எத்தனை திருமணம் செய்யலாம்..?

இஸ்லாத்தின் சட்டப்படி ஒரு ஆண் 4 திருமணம் வரை செய்யலாம். உடனே புருவமுயர்த்தி இதென்ன அநியாயம் என்காதீர்கள். பொறுமை..!! இந்த கட்டளை இறைவனிடமிருந்து வந்த காலகட்டம் என்ன தெரியுமா? அறியாமையும், விஞ்ஞானமும் இல்லாத காலகட்டம். போர், கொள்ளை நோய் என்று மனித உயிர்கள் மாய்ந்த நேரம். அதில் குறிப்பாக போர்களில் ஆண்கள் கொல்லப்பட்டு பல்லாயிரக்கணக்கான பெண்கள் விதவைகள் ஆக்கப்பட்டார்கள். அவர்கள் வாழ வழியில்லாமல் வறுமையால் பீடிக்கப்பட்டு விபசாரத்தொழிலுக்கு தள்ளப்படும் நிலை நிலவியது. அப்போது ஏற்பட்டது தான் இந்த சட்டம். அது மட்டுமல்ல, ஒரு ஆண் மணமடைந்து அவன் மனைவியோடு திருப்தியில்லாத பட்சத்தில் அவளை பிரிந்தால் காலம் முழுக்க அவன் தனிமையிலும், உடல் ஆசை இல்லாமலும் வாழ முடியுமா..? நிச்சயம் முடியாது. அவனும் விபசாரியைத் தேடி தான் போவான். உலக மக்கள் தொகை கணக்கெடுப்புப்படி உலகில் ஆண்களின் எண்ணிக்கையை விட பெண்களின் எண்ணிக்கை கூடுதல். இது இயற்கை. இந்த நிலை காலம், செல்ல செல்ல பெண்ணுக்கு கணவன் கிடைக்காத நிலையை உண்டாக்கும். இல்லறத்திற்கு வழி இல்லாத பெண்கள் பிழைக்க அவர்களும் விபசாரம் செய்ய வாய்ப்பு உண்டு. இப்படி எல்லாவற்றுக்கும் தீர்வாக இருப்பது தான் பலதார மணம்.

சரி.. அப்படியானால் ஆண் இஷ்டப்பட்டபடி 4 பெண்களை மணக்கலாமா..? அதான் நடக்காது. அதற்கென்று மிக கடுமையான நிபந்தனைகள் இருக்கின்றன. அதில் முதல் நிபந்தனை என்னவென்றால் முதல் மனைவியின் மனப்பூர்வ சம்மதம் வேண்டும். இப்போது சொல்லுங்கள். கிடைக்குமா..? ஆனால், அந்த காலத்தில் கிடைத்தது. அரேபியர்கள் ஒன்றுக்கு மேற்பட்ட மணம் புரிந்தார்கள். எப்படி சாத்தியம் தெரியுமா..? திருமணம் பற்றி இஸ்லாம் சொன்னதை கடை பிடித்தார்கள். இஸ்லாம் சொல்கிறது, யார் ஒருவர் ஒன்று மேற்பட்ட திருமணம் செய்யப்போகிறாரோ, அவர் தங்கள் மனைவிகளுக்குள் எல்லா வகையிலும் நியாயமாக சமமாக அவர்களை நடத்த வேண்டும். அதை செயல்படுத்த இயலாதவர்களுக்கு அது அனுமதி இல்லை. அதே போல் நடந்தார்கள், திருமணமும் செய்தார்கள். இல்லையென்றால் ஒரு மனைவியை வைத்துக்கொண்டே இத்தனை அல்லல்படும் நாம், இன்னொரு திருமணத்தை நினைப்பது எளிதா..? பெண்கள் தன் கணவனை இன்னொரு திருமணம் செய்ய சம்மதிக்க பல காரணம் இருந்தன. கணவனின் சமமாக நடத்தும் குணம், அவன் மீது கொண்டு அதீத அன்பு, குழந்தையின்மை, நோய், முதுமை அல்லது இயலாமை காரணமாக இருந்தது. இந்த கடைசி 3 பிரச்சினைகள் இருந்தால் நாம் எடுக்கும் நடவடிக்கை விவாகரத்தாக இருக்கும். அதன் மூலம் அந்த பெண்ணின் வாழ்க்கையும் பாதிக்கப்பட்டு அவனும் தன் நிம்மதி இழக்கும் நிலை ஏற்படுகிறது. இதற்கு இஸ்லாம் சொன்னதை விட சரியான தீர்வு வேறு எதுவும் உண்டா..?

இதென்ன அநியாயம்..? ஆண்கள் மட்டும் பலதார மணம் செய்யலாம், பெண்கள் செய்யக்கூடாதா? என்ற கேள்வி வரும். அதற்கும் இஸ்லாத்தில் பதில் உண்டு. இஸ்லாத்தில் ஆண் பெண் உடற்கூறுகளை வைத்து சில விஷயங்களை நன்மைக்காக கற்பிக்கிறதே தவிர உறவில், உரிமையில், நடத்தப்படுவதில் இரு பாலாரும் சமமே. இன்னும் சொல்லப்போனால், இஸ்லாம் பெண்களை மிகவும் மேன்மைப்படுத்துகிறது. சரி.. நான் கேள்விக்கு வருகிறேன். ஆண்களைப் போலவே பெண்களும் இன்னொரு ஆணை மணம் செய்ய உரிமை உண்டு. ஆனால், நிபந்தனை இன்னொருவனுக்கு மனைவியாக இருக்கக்கூடாது. உதாரணத்திற்கு கணவன் கொடுமையால் விவாகரத்து பெற்றவர்கள், விதவைகள், வஞ்சிக்கப்பட்டவர்கள் தாராளமாக மறுமணம் செய்யலாம். அப்படி திருமணம் செய்பவர்களை இஸ்லாம் ஊக்கப்படுத்துகிறது. இதற்கு சிறந்த உதாரணம் நபிகள். அவர் ஒரு விதவையைத்தான் மணம் புரிந்தார். அது ஏன் பெண்ணுக்கு இந்த நிபந்தனை என்று கேட்கலாம். இஸ்லாம் காரணகாரியமில்லாமல் எதையும் சொல்வதில்லை.

உதாரணத்திற்கு மனிதனுக்கு தாய், தந்தை உறவும், அவர்கள் மூலம் கிடைக்கும் கௌரவம், மரியாதை, சொத்துக்கள் மிகவும் இன்றியமையாதது. ஒரு அனாதைக்கு, தவறான வழியில் பிறந்த குழந்தைக்கு இந்த உலகத்தில் கிடைக்கும் மரியாதை நான் சொல்லித்தெரியவேண்டியதில்லை. ஒரு ஆணுக்கு ஒன்றுக்கு மேற்பட்ட மனைவிகள் இருந்து அவர்கள் மூலம் குழந்தைகள் இருந்தால் அந்த குழந்தைகள் எல்லோருக்கும் அவன் ஒருவன் தந்தை என்பது மிகவும் தெளிவாக தெரியும். அதன் மூலம் உரிமையும், சொத்துக்களும் எல்லோருக்கும் சமமாக பங்கிட முடியும். இதுவே, ஒரு பெண்ணுக்கு ஒன்றுக்கு மேற்பட்ட கணவன்கள் இருந்து அவளுக்கு பல குழந்தைகள் இருந்தால் எந்த கணவனுக்கு பிறந்த குழந்தை என்று அவர்களை இனம் காண முடியுமா..? கணவன்கள் ஒருவொருக்கொருவர் விலகிசெல்ல வாய்ப்புண்டு. அதுமட்டுமல்ல, இதனால் பல வழிகளில் பிரச்சினைகள் ஏற்பட வாய்ப்புள்ளது. நியாயமான முடிவும் எடுக்க முடியாது. இது சம்பந்தமாக இஸ்லாம் சமூகத்தின் சொல்லும் வழியான விளக்கம். விஞ்ஞானத்தின் வழியாக இஸ்லாம் சொல்லும் விளக்கம் என்ன..? அதை அடுத்த பதிவில் காண்போம்.



அக்னி:
அருமையான விளக்கம். உங்கள் விஞ்ஞான விளக்கமும் முடிந்தபின் அடுத்த வினா எழுப்புகின்றேன். உங்கள் எழுதும் திறன் ரசனையாய் உள்ளது. பொறுமையான விரிவான ஆய்வு போல இத்திரி அமைய வாழ்த்துகின்றேன்...  






LOLLUVAATHIYAR:
பலதார மணம் பற்றி அருமையான விளக்க தந்திருகிறீகள் ஜாபர்
இஸ்லாம் மதத்தில் மட்டும் பலதார மணம் இல்லை, மற்ற மதங்களிலும் அவை இருந்ததே.

ஹிந்துகளிலும் பழைய காலத்தில் பல மனைவிகள் வைத்து கொள்ள அனுமதி இருந்தது.
ஆங்கிலேயர்கள் காலத்தில் ஹிந்துகள் ஒரே ஒரு பெண்ணை மட்டும் திருமணம் செய்ய வேண்டும்
என சட்டம் கொண்டு வர பட்டது அநியாமாக நம் தலையில் தினிக்க பட்டது.
அது ராஜ ராம் மொகன் ராய், காந்தி முயர்ச்சியில் தான் Hindu Polygamy Abolition Act கொண்டு வர பட்டது.

ஒரு உன்மையை கூறி கொள்கிறேன், இந்த Polygamy Abolition Act சட்டத்தில் எனக்கு உடன்பாடு இல்லை. முதல் மனைவி சம்மதித்தால், அடுத்த மனைவி வைத்து கொள்ள அனுமதிக்க வேண்டும் 


ஆதவா:
அருமை ஜாபர் இதயம்.... சில கேள்விகளுக்கு சரியான பதிலடி பதில்கள் கொடுத்து சிறப்பாக நடத்திச்செல்லுகிறீர்கள்... மனைவி சம்பந்த கேள்விகள் எனக்கு ஒரு பாடம்.....

கீழ்கண்ட வாசகம் நான் சிறு வயதில் எனது அப்பாவின் அலுவலகத்திற்கருகே உள்ள மசூதியில் படித்தது... அதற்கு விளக்கம் சொல்லமுடியுமா?

மஸ்ஜிதே அஹமத்
மதரஸா கைரூல் உலூம்..

தக்லே சுன்னத் தக்னி ஜமாத்.... இது மிகவும் சிறு வயதில் ஆழமாக பதிந்திட்ட வாக்கியம்... அர்த்தம் மட்டும் தெரியவில்லை... சொல்லுங்கள்.... 



இதயம்:

Quote:

Originally Posted by lolluvathiyar பலதார மணம் பற்றி அருமையான விளக்க தந்திருகிறீகள் ஜாபர்

நன்றி வாத்தியார் அவர்களே..

பல தார மணமென்பது ஏறக்குறைய எல்லா மதங்களிலும் பின்பற்றப்படுகிறது. ஆனால், இஸ்லாத்தில் மட்டும் தான் கடுமையாக விமர்சிக்கப்படுகிறது. காரணம், அது புனித நூலில் முக்கியத்துவம் கொடுக்கப்படுகிறது என்பதால். பலதார அனுமதியை தெரிந்து கொண்டவர்கள், அது அனுமதிக்கப்பட்டதன் நோக்கத்தை தெரிந்துகொள்ள விரும்புவதில்லை. காரணம், பெரும்பாலும் அவர்கள் நோக்கம் குறை காண்பதே தவிர, தெரிந்து தெளிவடைய அல்ல.

புராணமென்றாலும் நாம் முக்கியத்துவம் கொடுக்கும் இரு மிகப்பெரும் இதிகாசமான இராமாயணம், மஹாபாரதங்களில் திருமணம் குறித்த நிறைய, முரண்பட்ட விஷயங்கள் உண்டு. உதாரணத்திற்கு 2 மட்டும். 1. இராமாயணத்தில் இராமனின் தந்தையான தசரதனுக்கு 60,000 மனைவிமார்கள். 2.மஹாபாரதத்தில் துரௌபதிக்கு ஐந்து கணவர்கள். இரண்டுமே சமுதாய ரீதியாக, அறிவியல் ரீதியாக ஏற்கமுடியாதவை. புராண இதிகாசங்களின் நோக்கம் அதைப்படிப்பதின் மூலம் மனிதர்கள் தங்கள் வாழ்வை நெறிப்படுத்திக்கொள்ள வேண்டும் என்பது தான். அதனால், அல்லவை நீக்கி நல்லவை பிரிக்கும் அன்னப்பறவையாக நாம் இருத்தல் மிக முக்கியம்.